Азербайжан классикалык музыкасынын түптөөчүсү Узеир Гажибейлинин 130 жылдыгы жана кайталангыс ырчы Рашид Бехбудовдун 100 жылдыгына арнап, АКШда атайын почта маркалары чыгарылды. Гажибейлиге арналган марканын бетинде композитордун “Көроглу” операсынын ноталары тартылган. Мааракеге карата Голливудда “Аршин мал алан” көркөм фильми да көрсөтүлөт. 18-сентябрда Калифорниянын Санта Моника шаарында “Узеир Гажибейли күнү” майрамдалат. Бардык маданий саамалыктар Азербайжандын Лос-Анжелестеги консулдугунун демилгеси жана көмөгү менен уюштурулууда.
