Ош шаарында 19-23-октябрь күндөрү жарандык журналистика жана социалдык медиа боюнча окуу өтөт. Ага Нарын облусунан башка Кыргызстандын бардык аймактарынан келген 40тай адам катышат. Бул иш-чараны Youth of Osh коомдук фонду “Жаштар – өзгөрүүнүн күчү жана медиаторлор” деген долбоордун алкагында уюштурууда.
Окууга катышкан жаштарга жарандык активдүүлүктү жогорулатуу максатында интернет каражаттарын, социалдык медианы колдонуу, жаңылыктарды жазуу, фотосүрөт тартуу чеберчилигин өркүндөтүү жаатында сабактар өтүлөт.
Долбоор сентябрда башталган. Алгач Баткен облусунда өттү. (YI)
