АКШнын мамлекеттик катчысы Жон Керри Сауд Арабия королу Салман ибн Абдул-Азиз ал-Сауд менен сүйлөштү. Алар Сириядагы орточул оппозицияга колдоону күчөтүү тууралуу макулдашты. Муну менен катар тараптар жаңжалды чечүүнүн саясий жолдорун издөөнү убада кылышты.
24-октябрда Орусиянын тышкы иштер министри Сергей Лавров Москва Сириядагы террорчу топторго каршы күрөштө оппозициядагы "Эркин Сирия армиясынын” жердеги күрөштөрүнө абадан колдоо көрсөтүүгө даяр экенин билдирген. “Сириянын эркин армиясы” кыймылы” расмий Москванын абадан көмөк көрсөтүү сунушунан баш тартып, Кремлден аба соккуларды токтотууну талап кылган. (КЕ)
