Бүгүн Бишкек шаарында Ички иштер министрлигинин кызматкерлери үчүн көп кабаттуу 207 батирлүү үйдүн курулушу башталат. Калык Акиев көчөсүнө салынып жаткан имараттын пайдубалын тургузуу салтанатына өкмөт башчы Темир Сариев жана ички иштер министри Мелис Турганбаев катышат.
Министрликтен “Азаттыкка” кабарлашкандай, буга чейин Бишкекте 108, Баткенде 24 батирлүү үйлөр курулуп, милиция кызматкерлерине тапшырылган. Ушул тапта Ош, Чүй жана Ысык-Көл облустарындагы үйлөр бүтүп, ачкычтарын берүүгө даярдалууда. (SE)
