Өкмөттүн облустагы ыйгарым укуктуу өкүлү Жумагүл Эгембердиева өзүн жакында кызматтан кетет деген маалыматты четке какты.
"Кээ бир массалык маалымат каражаттарында мени жакында кызматтан алынып, ордума мурунку биринчи вице-премьер министр Тайырбек Сарпашев келет деген маалыматтар айтылууда. Мамлекеттик кызмат эч кимге байлап берилген эмес. Мен баарына даярмын, бирок өкмөт тараптан мага кызматтан кетүү тууралуу айтылган жок", - деди Эгембердиева.
Маалым болгондой айрым массалык маалымат каражаттарында мурдагы биринчи вице-премьер министр Тайырбек Сарпашев келерки жумада Жалал-Абадга облус башчы болуп келет деген маалыматтар айтылган.
Жумагүл Эгембердиева 2014-жылдын сентябрь айында өкмөттүн облустагы ыйгарым укуктуу өкүлү болуп дайындалган. (RsK)
