Кыргызстанда жашоосу оор балдар боюнча электрондук база түзүлүшү керек. Бул тууралуу жума күнү өкмөт башчы Темир Сариев өткөргөн жыйында айтылды. Премьер-министр ошондой эле балдардын укугун коргоо боюнча өзүнчө координациялык кеңеш түзүүнү буюрду.
Жыйында балдарга карата жасалган кылмыштардын саны өсүп жатканы тууралуу сөз болду.
Ички иштер министрлигинин маалыматына караганда, 18 жашка чыга элек балдарга карата быйыл 755 кылмыш иши катталып, анын 570и сотко ɵттү. (RK)
