24-февралда Бишкек шаардык соту жооптуу мамлекеттик кызматкерлерге байланыштуу кылмыш ишти кароону улантат. Шаардык сотто Жогорку Кеңештин мурунку депутаты Нургазы Айдаров жана башка адамдар көрсөтмө беришет.
17-февралда болгон жараянда Нариман Түлеевдин кызы Назгүл Түлеева көрсөтмө берди. Президенттик аппараттын мурунку башчысы Данияр Нарымбаев жана парламенттин мурдагы депутаты Хажимурат Коркмазов Бишкек шаарынын мурунку мэри Нариман Түлеевдин соттук ишин оң чечүүгө жардам берүү үчүн Назгүл Түлеевадан пара алган деп айыпталууда. (AiT)
