Акыйкатчы институтуна Сузак районунун Н. К. аттуу жараны кайрылып, узак убакыттан бери ата-энеси тарабынан зордук-зомбулукка кабылып келе жатканын билдирген.
Өткөн жылдын ноябрь айында кыз ата-энесинен балдар үйүнө качып кеткенин билдирип, кийинчерээк ата-эне "экинчи кол көтөрбөйбүз" деп убада беришкен. Бирок алардын ур-токмогу токтобогондон улам ушул жылдын январь айында кыз Бишкекке качып кеткен.
Акыйкатчы институтунан билдиришкендей, учурда Н.К. Ош шаарындагы “Ак-Жүрөк” кризистик борборуна жайгаштырылып, психиологиялык жана укуктук жардам алып жатат. Ал эми кыздын ата-энесине Сузак райондук ИИБсы кылмыш ишин козгоп, учурда тергөө иштери жүрүүдө. (SDz)
