Бишкек шаары ири эл аралык балет фестивалына камданууда. Кыргыздын улуу балеринасы, СССРдин эл артисти Бүбүсара Бейшеналиеванын 90 жылдыгынын урматына быйыл 4-жолу уюштурулуп жаткан фестиваль май айынын ортосунда улуттук опера жана балет театрында өтөт.
Иш-чарага Кыргызстандан тышкары Орусия, Азербайжан, Казакстандан солисттер келип катышат. Программада - балет классикасынын шедеврлери, дүйнөлүк жана орус хореографиясынын мыкты чыгармалары.
14-майда башталган маданий иш-чара 21-майда чоң гала-концерт менен жыйынтыкталат. (RK)
