Кыргызстандык дарыгерлер Түркиянын белгилүү Liv ооруканасына барып бекер окуудан өтө алат. Бул тууралуу "Азаттыкка" башкы дарыгер, профессор Адил Танык билдирди.
Анын айтуусунда, клиникада хирургиялык операциялар үч өлчөмдүү робот аппараттар менен жасалат.
Кыргызстандын алыскы аймактарынан 18 медицина кызматкери бул күндөрү Түркиянын тажрыйбасы менен таанышууда. Көбүнчө республиканын түштүк облустарынан доктурларды Түркияга бул өлкөнүн медициналык уюмдар ассоциациясы чакырган. Кыргыз тараптан аларга "Кербен трэвл" компаниясы колдоо көрсөттү. (BCh)
