Линктер

бейшемби, 8-декабрь, 2016 Бишкек убактысы 08:50

Бишкекте түнкү убакытта үн күчөткүчтө бийик денгээлде азан айтууга чектөө киргизилет. Шаардык санэпидкөзөмөл борбору кечкисин мечиттерде чакырылган азандын үнүн азайтуу боюнча жарандардан көп арыз түшкөнүн билдирди. Бул жаатта Мусулмандар дин башкармалыгы менен сүйлөшүү жүргөнүн муфтийдин орунбасары Акимжан Эргешов “Азаттык” радиосуна айтты:

-Шаардагы тартипти сактоо боюнча санэпидкөзөмөл борборуна убада бергенбиз. Азыр иштер аткарыла баштады. Мечиттердеги молдолор менен сүйлөшүп, түнкүсүн азан айтып жаткан кезде коомчулукка зыян келтирбөө боюнча эскертүүлөрдү бердик. Кечинде үн күчөткүчтүн добушу азайтылат, биротоло өчүрүлбөйт. Анткени, ошол азанды күтүп отургандар да бар.

Санэпидкөзөмөл борбору талаптын аткарылышын байкоого аларын билдирди.

Шарият эрежеси боюнча мечиттерде күнүгө беш маал азан чакырылат. Үч ирет күндүз, бир жолу кечки саат ондордо, бир ирет таңкы саат төрттөрдө айтылат. (SE)

Азаттык Фейсбукта

пикирлерди көрсөт

XS
SM
MD
LG