Москвада өрттө набыт кеткен 14 кыргызстандык кыз-келиндин жана Бишкек-Ош жолундагы автокырсыкта каза тапкан тогуз кишинин өлүмүнө байланыштуу Өзбекстандын Тышкы иштер министрлиги Кыргызстанга көңүл айтты. Бул тууралуу Өзбек ТИМинин расмий сайтында жазылды. Маалыматка караганда, Ташкенттеги кыргыз элчилигинде ачылган “Көңүл айтуу китебине” Өзбекстандын Тышкы иштер министрлигинин билдирүүсү катталды. Жогорудагы кайгылуу окуяларга байланыштуу Кыргызстанда 29-август – аза күтүү күнү деп расмий жарыяланган.
