Таласта бийликтин Баш мыйзамга өзгөртүү киргизүү боюнча демилгеси талкууланып жатат. Иш-чарага укук коргоочулар менен жарандык коомдун өкүлдөрү катышууда. Жыйында жергиликтүү бейөкмөт уюмунун өкүлү Диляра Молдогазиева президенттин иштөө мөөнөтү аягына чыгайын деп калганда Конституцияга толуктоолорду сунуштап чыкканын сынга алды.
Ал эми өкмөттүн Талас облусундагы ыйгарым укуктуу өкүлү Дайыр Кенекеев азыркы Конституцияда кемчиликтер бар экендигин кошумчалап, Баш мыйзам өзгөрүүгө тийиш экенин айтты.
29-сентябрда Жогорку Кеңеш Баш мыйзамды өзгөртүү боюнча референдумду 4-декабрга дайындаган мыйзам долбоорду 1-окууда кабыл алган. (AlS)
