АКШнын Сенатында 100 орундун 34ү үчүн катуу күрөш жүрүп жатат. Демократтар азырынча Сенатта бир кошумча орунга ээ болду. Республикачыл сенатор Марк Кирк демократтардын талапкери Тамми Даксворзго утулуп калды.
Эми демократтар Сенатта көпчүлүккө жетишүү үчүн төрт орунга муктаж. Бирок демократтардын фаворити саналган бир талапкери Индианадан сенатор болуп шайлана албай калды.
435 орундук Өкүлдөр палатасында болсо республикачылар кайра эле көпчүлүктү алат деп күтүлүп жатат.
