Өзгөчө кырдаалдар министрлигинин басма сөз катчысы Элмира Шерипованын "Азаттык" радиосуна билдиришинче, Бишкектеги "Ала-Тоо" эс алуу борборундагы өрттү өчүрүүгө төрт топ тартылды. Азыр алар өрт өчүрүү иши менен алек болуп жатышат. Маалыматка караганда, эс алуу борбордун чатыры күйүп жатат.
Түштүк магистралдын боюнда жайгашкан аталган борбордо ресторан, Аква-парк жана башка эс алуучу жайлар бар. Өрт Аква-парктын чатырынан чыкканы кабарланууда. (NT)