Каржы министрлигинин кызматкерлеринин саны 225 адамка кыскартылат. Бул тууралуу токтомго бүгүн премьер-министр Сооронбай Жээнбеков кол койду.
Министрликтин структурасын оптималдаштыруу максатында кабыл алынган бул токтомдо бири бирин кайталаган бөлүмдөрдү жоюу, райондук каржы бөлүмдөрү менен казыналыктарды бириктирүү каралган.
Натыйжада жалпысынан 57,5 миллион сом үнөмдөлүп калганы жатат.
Токтомго ылайык, министрликтин аймактык органдарын тейлеген дежурдук жеңил автоунаалар да толугу бойдон кыскартылат. (RK)
