Баткендин Кадамжай районундагы Пүлгөн айылында күйүүчү май ташып бараткан унаа жол боюндагы жаңы үйдү сүзүп, аңтарылып кетти. Кырсыктан жабыркаган үч адам ооруканага түшкөнүн, алар унаа ичиндеги кишилер экенин Өзгөчө кырдаалдар министрлигинин басма сөз катчысы Майя Шаимкулова “Азаттыкка” билдирди. Окуя түшкү саат 12ден өткөндө болгон:
-Машинеде болжол менен 40 тонна бензин болгон. Анын жарымы жерге төгүлгөн.
Куткаруучулар жеринде иштеп жатышат. (SE)
