Улуттук статистикалык комитет билдиргендей, жыл башынан бери үч ай ичинде Кыргызстандын ички дүң продукциясы 46 миллиард 586 миллион сомду түзүп, былтыркы жылга салыштырмалуу 0,4 пайызга өсүш байкалды. Акыркы үч ай ичинде өнөр жай тармагында 40 миллиард 843 миллион сомдук продукция өндүрүлгөн. Ошондой эле айыл чарба, аңчылык жана токой чарбасында өндүрүлгөн продукцияларда былтыркы жылга салыштырмалуу 0,5 пайызга өсүш байкалып, жалпы көлөмү 12 миллиард 122 миллион сомду түздү. (KKs)
