Бүгүн 22-апрель Жер күнү. Бул күн коомчулуктун көңүлүн айлана чөйрөнү таза кармоого үгүттөөгө жана үйрөтүүгө багытталган. Жер күнү алгачкы жолу 1970-жылы Кошмо Штаттарда белгиленсе, азыр 192 мамлекетте майрамдалат. Быйылкы майрам “Жашылдандыруу үчүн 1 миллиард аракет” деген чакырык астында өтүүдө. Бул акция ар бир адамды табиятты таза сактоо үчүн пайдалуу бир нерсе жасоого, мисалы, автомобиль ордуна велосипед минүүгө, электр кубатын үнөмдөө үчүн жарыкты өчүрүүгө, химиялык жер семирткичтердин ордуна табигый заттарды колдонууга жана башка ушундай аракеттерге үндөйт.
