Линктер

logo-print
дүйшөмбү, 5-декабрь, 2016 Бишкек убактысы 23:15

Элдик курултай жана анда бийликке коюлган талаптар боюнча президент Курманбек Бакиевдин басма сөз катчысы Алмас Турдумаматов “Азаттыкка” комментарий берди.

- Оппозициянын бүгүнкү акциясы, алардын кандайдыр бир чечимдери боюнча расмий түрдө келип түшө элек. Кандай гана талаптар болбосун мыйзамдардын чегинде жүрүшү керек. Бүгүнкү өткөрүлгөн акция менимче тынч өттү. Ал жерде айтылган сөздөр боюнча менде толук маалымат жок. Эгер баардыгы мыйзам чегинде боло турган болсо, алардын кайрылуусу, резолюциясы бизге жөнөтүлө турган болсо биякта каралат.

- Бүгүнкү оппозициянын курултайында бийликтин дарегине бир топ сындар айтылды. Үй-бүлөлүк башкарууга жол берди, энергетикалык, социалдык саясаты туура эмес деп айтылды. Сиздер буга кандай деп жооп бересиздер?

- Менде чынында алар кандай кылып эмне деп сүйлөшкөнү тууралуу толук маалымат деле жок. Мен маалыматы жок реакция кылып айта албайм.

- Оппозициянын бирден-бир дооматы үй-бүлөлүк башкарууга жол берүү болду. Өлкөдө чынында да эле ушинтип айтканга негиздер болуп жатабы?

- Оппозиция, дегеле баардык өзүн саясатчымын деген кыргыздын жараны кандайдыр бир өзүнүн пикирин айтканга укуктуу. Алар ошондой укугунан пайдаланып өздөрүнүн ойлорун айтты.

- Бүгүн, 17-март Аксы окуясына 8-жыл болду. Буга карата өкмөт иш-аракеттерди, эскерүүлөрдү өткөрдүбү?

- Бул тууралуу Ынтымак курлтайы болгондо президент өзүнүн ой-пикирлерин айтат.

- Рахмат.

пикирлерди көрсөт

XS
SM
MD
LG