“Манас” эл аралык аэропортуна жакын Дача айылына кулаган “Боинг-747” учагынын экипаж мүчөлөрү - Ибрагим Даранджи, Хазим Ондун жана Исхон Коштун сөөгү Түркиянын Кыргызстандагы элчилигине өткөрүлүп берилди. Учкучтардын жасаттары мекенине 19-январда жиберилет. Бул тууралуу өкмөттүн басма сөз кызматы маалымдады. Ал эми учактагы төртүнчү адамдын сөөгү кийинчерек жөнөтүлөөрү кабарланды.
16-январда Бишкектеги “Манас” эл аралык аэропортуна жакын Дача айылына Гонконг-Стамбул багытындагы “Боинг-747” жүк ташуучу учагы кулаган. Ал Түркиянын АСТ Airlines компаниясына таандык экени айтылган. Кырсыктан 38 киши набыт болгон, алардын 34ү кыргызстандыктар, төрт учкуч Түркиянын жарандары.(ZKo)
