Линктер

бейшемби, 8-декабрь, 2016 Бишкек убактысы 14:31

Коргоо министрлигинин офицерлерине берилген үйлөрдү бөлүштүрүүдөгү коррупция, Бишкектеги жана Оштогу мыйзамсыз курулуштар боюнча “Ыңгайсыз суроолор” телепрограммасынын иликтөөсү.

2014-жылдын сентябрында Жал кичирайонуна 108 батирлүү эки үй Коргоо министрлигиндегилерге тургузулган. Ошондо үйдү тапшырып жатып президент Алмазбек Атамбаев аны алдап жатышканын, коррупциялык схемалар эбак чийилгенин билди бекен? Үй бөлүштүрүүчү комиссияга кирген 13 адамдын 9у, коргоо министринин орун басары баш болуп батирлерди өздөрүнө ыйгарып алганын кандайча түшүнүүгө болот?

Кыргызстанда жыл сайын ондогон көп кабат үйлөр, имараттар салынууда. Тилекке каршы алардын көбү мыйзамсыз курулууда жана ал курулуштардын сапаты тиешелүү инспекторлорго белгисиз. Анткени, курулуш ээлеринин арасында экотехинспекциянын инспекторун иш аянтына жолотпогондор да жок эмес. Мыйзамсыз курулуш ээлеринин арасында тилекке каршы, мурда-кийин мамлекеттик жогорку кызматтарда иштеген адамдар да бар.

Ош шаарынын тургундары шаардык түштүк-чыгышындагы үч гектар паркка кабат үйлөр мыйзамсыз салынганын айтышууда. Тиешелүү мамлекеттик кызматкерлер документ боюнча ал жерге үй салууга болот дешет. Кагазда баары туура, ошондой эле кагазда башка адам ээси деп көрсөтүлгөнү менен, шаар тургундары бул иштин артында Ички иштер министрлигинин Ош аэропортундагы аба транспорту бөлүмүнүн башчысы Жалил Атамбаев турат деп шектенишүүдө. Алардын айтымында, Атамбаевдин мындан башка да бир топ бизнестери бар, аймактагы эң таасирдүү адамдардын бири. Парктагы курулуш боюнча Жогорку Кеңеш депутаттарына да айтышкан, бирок, андан майнап чыккан эмес. Мэрия да бул аймак боюнча соттошууда.

  • 16x9 Image

    Мухаммедали Токтакунов

    "Азаттыктын" Прагадагы кеңсесинин журналисти, 2011-2014-жылдары "Азаттык+" телепрограммасынын алып баруучусу. Кыргыз улуттук университетин аяктаган.

  • 16x9 Image

    Улан Асаналиев

    "Азаттыктын" Бишкек бюросунун видео-журналисти, фотограф. "Эркин Европа/Азаттык" радиосунун фото-сынагынын жеңүүчүсү. 2006-жылы Кыргыз-Түрк “Манас” университетинин коммуникация факультетин аяктаган.

  • 16x9 Image

    Жанарбек Жолдошбаев

    "Азаттыктын" ТВ продюсери. "Бир дүйнө" даректүү тасмалар фестивалынынын жеңүүчүсү (2013). Кыргыз-Түрк “Манас” университетинин коммуникация факультетин аяктаган (2006).

пикирлерди көрсөт

XS
SM
MD
LG