Нарын: сел унаа каттамын токтотту
15-июнда жалпысынан 20 бугу-марал кармалган коруктун жанындагы сай суусу каптаган жерде карагай кулап, тосмону талкалаган. Натыйжада алты марал коруктун сыртына чыгып кеткен. Алардын үчөө кайтып келген. Учурда дагы үчөө табылбай жатат. Мындан сырткары Нарын районундагы Орук-Там-Нарын унаа жолун сайдан ашкан суу жеп кетип каттам токтогон. Ал жердеги ыктыярчы атчандар иштери бар айылдаштарын ат менен суунун аркы өйүзүнөн берки жагына өткөрүп жардам көрсөтүп жатышат.