Линктер

logo-print
ишемби, 03-декабрь, 2016 Бишкек убактысы 21:52

"Азаттыктын" “Ыңгайсыз суроолор” телеберүүсүнүн бул жолку чыгарылышында депутаттарга кеткен жалпы чыгымдар иликтөөгө алынды.

Жыл сайын элден чогулган салык эсебинен парламентке 800 миллион сомго жакын каражат бөлүнөт. Жогорку маяна, кызматтык унаа, үй жана башка ыңгайлуу шарттарга карабай, депутаттар эмне үчүн сессияларга катышпайт?

Берүүнү Ютубдан көрүүнү каалагандар ушул шилтемени басса болот. ​

Ар бир депутат маянадан тышкары, ай сайын автоунаасынын майына 10 жарым миң сом, тетиктерине 2000 сом, аймактарга чыкканы үчүн 4500 сом стипендия, кагаз-дептерге 2000 сом жана телефондук байланышка 2500 сом кошумча каражат алат. Ар бир депутатка ай сайын өлкө ичиндеги сапарларга 7 миң сомдон, жылына бир жолу чет өлкө сапарга 60 миң сомдон акча бөлүнөт.

Депутаттарга салынган 11 кабат үйдө жалаң эле алардын туугандары, айдоочу же жардамчылары жашайт дегенге болбойт. Негизи бул батирлер Бишкекте үйү жок, аймактан келген эл өкүлдөрүнө арналган.

Сессияларга катышпаган мандат ээлери да четтен чыгат. Алар бизнесинен колу бошобойбу, айтор алардын ордуна кесиптештери добуш берген учурлар бар. Кээде залда болгону 30 эл өкүлү отурса, каттоодон өткөн депутаттын саны жүздөн ашканын көрүп эле жүрсөңүз керек.

  • 16x9 Image

    Уланбек Эгизбаев

    “Азаттыктын” Бишкектеги кабарчысы, “Ыңгайсыз суроолор” телепрограммасы үчүн иликтөөлөрдү жасайт. 2013-жылы Кыргыз-түрк “Манас” университетинин коммуникация факультетин, 2015-жылы БГУнун саясат таануу багыты боюнча магистратураны аяктаган. 2016-жылы дүйнөлүк Webby Awards (Интернет-Оскар) сыйлыгын алган.

пикирлерди көрсөт

XS
SM
MD
LG