Мунай өндүрүүчүлөрдүн ОПЭК уюмунун мүчөлөрү 2017-жылдан тарта чийки зат өндурүүнү кыскартуу боюнча глобалдык макулдашууга кол коюшту. Бул соңку 15 жылдан бери ишке ашкан ири келишим катары сыпатталууда.
Вена шаарында өткөн өткөн ыкчам жыйында Орусия күнүмдүк казууну 300 миң баррелге чейин, Мексика 100, Азербайжан 35, Оман 40, Казакстан 20 миң баррелге чейин кыскартмай болушту.
Эки апта мурун ОПЭК уюму күнүгө миллион баррелден ашуун мунайды азайтуу боюнча макулдашкан эле.
Соңку эки жылдан бери мунай баасы арзандап, көпчүлүк мамлекеттерде бюджетке таасир тийгизе баштаган.
