Сыноо Перс булуңундагы аскердик машыгуулар учурунда өткөрүлгөн. Ирандын коргоо министри Хоссейин Дехканинин 27-февралдагы маалыматы боюнча, аскер-деңиз күчтөрү орто аралыктагы Наср ракетасын сынап, ал ийгиликтүү өткөн.
Ирандын "Тасним" маалымат агенттиги лазердик Дехлавие ракетасы да ийгиликтүү сыноодон өткөрүлгөнүн кабарлады. Эки күндүк аскерий машыгуу 26-февралда башталган.
Тегеран менен Вашингтондун ортосунда Ирандын ракеталык сыноосу боюнча акыркы кезде кайым айтышуусу күч алды. Ирандын ракеталык сыноосу үчүн АКШ жаңы санкцияларды жарыялаган эле. (AiT)
