Кыргызстанда банктардын мурабаха, шарика, мушарака деген терминдерди колдонуп жатканы суроо жаратты
Өзбекстанда бийлик жаштардын акылы токтоло баштаган куракта гана үй-бүлө куруусуна шарт түзүү аракетин көрүүдө. Борбор Азиянын калк эң жыш жайгашкан өлкөсүндө никеге тургандардын үчтөн бири жашы толо электер. Өкмөт 21 жаштан өткөндө гана үйлөнгөндөргө түрдүү жеңилдиктер берилерин убада кылууда.
Ички иштер министрлиги 20-мартта Кыргызстанда Орозо айт намазы тынч өткөнүн билдирди. Борбор калаанын милициясы бул күнү Бишкек шаарынын аймагында айт намазына жалпы 100 миңдей киши катышканын кабарлады. Соңку эки жылдан бери айт намазы жума мечиттерде гана окулуп келген.
Мамлекеттик Думага көп кабаттуу үйлөргө жана эл жашабаган имараттарга чогулуп намаз окууга жана башка диний жөрөлгөлөрдү өткөрүүгө тыюу салган мыйзам долбоору киргизилди. Диний жөрөлгөлөрдү үйүндө расмий катталган гана тургундар “жеке рухий муктаждыгы” үчүн өткөрө алышат.
Ош облусунда эки айлык ымыркайдын өлүмүнүн себептери териштирилип жатат. Баланын жакындары аны денесин тилдирип, кан чыгаруучу процедурага алып барып жүрүшкөнүн билдиришти.
Сириянын мурдагы кооптуу аймактарынан мекенине кайтып келгендер тынч турмушка канчалык аралашып кетет? Аларды кабыл алуу жараянында кандай тоскоолдуктар бар жана бул маселе кантип чечилүүдө?
Эл аралык темаларга келсек. Улуттар Уюмунун Коопсуздук кеңеши АКШ президенти Дональд Трамптын Газа боюнча резолюциясын кабыл алды. Ага ылайык, палестин анклавын убактылуу “Тынчтык кеңеши” башкарып, эл аралык күчтөр киргизилет. Кытай менен Орусия резолюцияга добуш берүүдөн карманды.
Нуриза эгер он жыл мурун Сирияга жол тартпаганда азыр балким кыргызстандык ишкер аялдардын катарында болуп, өзү бир кездери кыялданган тигүү цехин жетектеп отурмак. Бирок анын тагдыры 2014-жылы күтүүсүздөн таптакыр өзгөргөн.
2021–2025-жылдары кыргыз бийлиги Сирия жана Ирактан 551 жаранды мекенине алып келди. Алар негизинен аялдар жана балдар. “Сириядан кайткан узак жол” долбоорунун биринчи чыгарылышында коогалуу аймакка барып, кайра келгендердин бири Гүлипанын тагдырын баяндайбыз.
Кыргызстанда көзү ачыктарга алданып калган учурлар дагы деле токтобой келет. Жакында Бишкекте алдамчылыкка шектелген аял кармалды. Милициянын маалыматына караганда, жаш кыз үч жыл бою “жол ачтырам” деп ошол аялга барып жүрүп, жыйынтыгында 100 миң долларынан кол жууган.
Батыштын бир катар өлкөлөрү Палестина мамлекетин тааныды. Айрым эксперттер менен саясатчылар муну символикалык ишарат деп баалашса, башкалары олуттуу укуктук, саясий жана дипломатиялык мааниге ээ кадам катары сыпатташат.
Израилдин бийлиги Газа шаарынан чыгып кетүүнү эскерткенден кийин миңдеген киши анклавдын түштүгүнө агылды. Айрымдары согуш башталгандан бери ушуну менен 20-30 жолу жер которууга аргасыз болду. Бир катар өлкөлөр ЦАХАЛдын анлкавдын ири калаасын басып алуу аракетин сындашууда.
Дагы жүктөңүз
