Райондук борборго чогулган пикетчилер Өзгөрүш айылында эл менен милициянын ортосунда болгон жаңжалга тиешеси бар милиция кызматкерлерин жоопко тартууну, райондун акиминин кызматтан кетишин талап кылышууда. Нааразылык акциясына чыккандар райондук акимчиликтин алдында боз үйлөрдү тигип, талаптары орундалмайынча таркабай тургандыктарын билдиришти. Революциялык комитет өзүнүн талаптарын Жогорку Кеңешке, Президентке, Башкы прокуратурага да жиберди. Бул маалыматты "Азаттыкка" Токтогулдагы райондук революциялык комитеттин жетекчиси Кожокеев Кадыралы билдирди. (YA)
