Кыргыз армиясынын аскер техникаларын жана курал-жарактарды оңдоо жаатында иш алып бара турган “Кыргызкурал” деп аталган бул ишкана Балыкчыда май айында ачылганы турат. Бул тууралуу Коргоо министрлигинин алдындагы “Кыргызкурал” мамлекеттик ишканасынын жетекчиси Жыргалбек Сагынбаев “Азаттыкка” билдирди. Маалыматка ылайык, бул ишканада 300 жумушчу орун болот. Аталган завод “Кыргызкурал” ишканасы менен Казакстандын “Техноэкспорт” ишканасынын биргелешкен долбоору болуп саналат. (KKs)
