Белгилүү этнограф, педагог, мамлекеттик туунун авторлорунун бири Сабыр Иптаровдун сөөгү Бишкекте жерге берилди. Иптаровду акыркы сапарга узатуу зыйнаты Токтоболот Абдымомунов атындагы Кыргыз драма театрында өттү. Ага окумуштуунун кесиптештери, чыгармачыл интеллегенция өкүлдөрү катышты.
Сабыр Иптаров 4-октябрда 58 жашында кан басымы оорусунан улам дүйнө салган.
Ал "Этнопедагогикалык сөздүк" жана башка эмгектердин, илимий, публицистикалык макалалардын автору. Ошондой эле бир катар окуу китептерди жазган жана көркөм чыгармаларды которгон.(BkA)
