Казак президентинин басма сөз кызматы тараткан маалыматка ылайык, Чехия мамлекет башчысы Милош Земан 24-ноябрь күнү Астанага расмий сапар менен келет. 25-ноябрда өзбек президенти Ислам Каримовдун Казакстанга сапары башталат.
Быйыл февраль айында Каримовдун Прагага мерчемделген сапары эл аралык жана жергиликтүү укук коргоочулардын нааразылыгынан улам токтотулган болчу.
Земан менен Каримовдун февралда ишке ашпай калган жолугушуусу Астанада өтүшү мүмкүн экени айтылууда.
