Өкмөт башчы Темир Сариев шайлоо участкалары ачылган 2 саат аралыгында өлкөдө абал тынч болгонун белгилеп, бул жолку шайлоо биометриканын негизинде таза жана ачык болоорун айтты. Ал облустардагы өкмөттүн ыйгарым укуктуу өкүлдөрү менен сүйлөшкөнүн, аймактарда эл шайлоого активдүү катышып жатканын кошумчалады.
Темир Сариев буга чейин КСДП лидери Чыныбай Турсунбеков добуш берген №5 кесиптик лицейде добушун берди. Бул жерге бүгүн саат 11де президент Алмазбек Атамбаев да келет. (AzK)
