Кыргызстандын аймагында бүгүн жер титиреди. Сейсмология институтунун маалыматына караганда, саат 12:04тө Жалал-Абад облусунун аймагында очогунда силкинүүнүн күчү 4 баллга жеткен жер титирөө катталды. Кызыл-Жар айылында 4 балл, Атанада 3,5, Кум, Семет, Сары-Кашка, Улук айылдарында жана Таш-Көмүр шаарында 3 балл, Ак-Суу, Кербен, Шамалды-Сай, Ак-Сайда 2,5 балл болуп сезилди.
Алдын ала маалымат боюнча, кыйроолор жана жабыркагандар жок. Ушул эле аймакта 16-февралда 4,5 баллга жеткен жер титирөө болгон.
Ошондой эле бүгүн саат 09:29да коңшу Тажикстанда, Кыргызстандын Чоң-Алай районунун Кара-Тейит айылынан 30 чакырым түштүк-батыш тарабында 2 баллдык жер титирөө катталды. Кыргыз жергесинде жердин силкинүүсү сезилген жок. (RK)
