17-апрелде Бишкекте үч бөлүк менен өткөн жарыштын жыйынтыгында тогуз адамга акчалай сыйлыктар тапшырылды. Жарышты “Адеп башаты” коомдук-прогрессивдүү фонду алтынчы жолу уюштурду. Ага чейин республикалык Куран окуу таймашынын тандоо сынактары аймактарда 3-апрелде өткөн.
Аталган фонддун жетекчисинин орун басары Азат Жолдубаевдин "Азаттыкка" билдиришинче, бул иш-чаранын максаты – Куран окууну жайылтуу жана ислам дини тынчтыктын жарчысы экенин коомчулукка жеткирүүгө багытталган. Азыр Кыргызстанда Куранды жатка билген карылардын саны көбөйүүдө. (NT)
