Транспорт жана коммуникациялар министри Калыкбек Султанов кызматтан кетүү тууралуу арыз жазды. Бул жөнүндө “Азаттыкка” ишенимдүү булактар кабарлашты. Маалыматка ылайык, Султанов арызын бүгүн жазды. Министрлик азырынча бул кабарды тастыктай элек.
Калыкбек Султанов министрлик кызматты 2011-жылдын декабрынан бери аркалап келген. Аны бул кызматка “Ата Мекен” партиясы көрсөткөн.
Отставкасынын себеби эмнеде экени азырынча белгисиз. (BkA)
