Бул тууралуу “Азаттыкка” Александр Рябушкин билдирди. Анын айтымында, сот анын арызын кароону 10-июнга белгиледи. Рябушкин арызында “Вечерний Бишкек” гезитине ээлик кылган “Рубикон” фирмасынын 50% акциясы ага таандык экенин тастыктоону өтүнгөн. Буга чейин Биринчи Май райондук жана Бишкек шаардык соту Александр Рябушкиндин доо арызын канааттандырган.
Александр Рябушкин менен соттошуп жаткан Александр Кимдин адвокаты Сергей Воронцовдун билдирүүсүнө караганда, аларга соттун дайындалышы боюнча маалымат келе элек. Бирок алар да Биринчи Май жана Бишкек шаардык сотторунун чечимин жокко чыгаруу үчүн Жогорку Сотко арыз жолдошкон. Ошондуктан эки арыздын бир каралышы күтүлөт.(AiT)
