Өткөн аптада Европа Биримдиги Орусияга каршы санкциялардын 20-пакетинин алкагында Кыргызстанга бир нече металл кесчү станок, модем сыяктуу бир нече байланыш каражатын сатып алууга чектөө киргизди. Европа өлкөлөрү мындай товарларды Кыргызстан сатып алып, Орусияга бериши мүмкүн деп күмөн санап жатат.
УКМК жана ИИМдин жетекчилери билдирүү таратып, ортодо тиреш жок экенин, чогуу тазаланып жатканын белгиледи. Укук коргоо органдарындагы тазалануу кандай жүрүшү керек? Талкууга мурдагы ички иштер министри Өмүрбек Суваналиев жана адвокат Бакыт Жумашев катышат.
Кыргызстанда коррупцияга каршы күрөш алкагында мамлекетке өткөнү жарыялаган мүлктүн мыйзамдуулугу боюнча талкуулар жүрүп жатат. Айрым саясатчылар УКМКнын өткөн беш жылдагы ишмердигин текшерчү комиссия түзүүнү сунуштап жатат. “Эксперттер талдайт” берүүсүндө талкуулайбыз.
Жогорку Кеңеште өз арызы менен мандатынан баш тарткан депутаттардын аягы тыйыла элек. БШК узаган апта соңу үч депутаттын мандатынан ажыратты. Парламент мүчөлөрүнүн массалык мандаттан баш тартуусунун аркасында эмне турат? Өткөн апта башында президент эске салган саясий интригага байланышы барбы?
АКШ менен Израил Иранга сокку уруп, Тегеран аларга жооп иретинде Кошмо Штаттардын аймактагы бир нече өлкөдөгү аскерий жайларына чабуул коюуда. Соңку жагдайда Ирандагы кыргызстандыктардын абалы кандай? Бул суроону учурда Тегеранда иштеп жаткан Кыргызстандын Ирандагы элчиси Акылбек Кылычевге жолдодук.
Тургунбек уулу баш болгон үч депутат мандатынан баш тартса, Чыңгыз Ажибаев биринчи вице-спикерликтен кеткени белгилүү болду. Бийликтин башка бутактарындагыдай эле парламенттеги соңку жүрүштөр эмнеден кабар берет? Бул өзгөрүүлөр Жогорку Кеңештин көз карандысыздыгына кандай таасир этет?
Кыргызстандагы соңку окуялардан соң жумшаруу тууралуу улуттук талкуу зарыл. Мындай пикирин Кыргызстандын мамлекеттик катчысы Арслан Койчиев "Азаттыкка" курган маегинде билдирди. Ал соңку окуяларга, коомдогу талкууга, идеологияга байланыштуу суроолорго жооп берди.
Кыргызстандагы соңку окуялардан соң кандай улуттук талкуу зарыл? "Азаттык" бул суроону мамлекеттик катчы Арслан Койчиевге узатты. Мамкатчы ошондой эле адам укуктары, сөз эркииндиги, коомдогу талкуулар, улуттук идеологияга байланыштуу суроолорго жооп берди.
Кыргызстандын президенти Садыр Жапаровдун ант берип, президенттик кызматка киришкенине туура беш жыл болду. Бийлик бул убакыт аралыгына экономиканы турукташтырып, чек ара маселесин толук чечилгенин айтып келет.
Жогорку Кеңештин 8-чакырылышынын депутаттары ант берип ишке киришти. Жогорку Кеңештин жаңы курамынын алгачкы жыйынында президент Садыр Жапаров парламентарийлерди популизмден алыс болууга чакырды. Бул жолку парламент кандай иштейт? Парламент өз алдынчалык көргөзүүгө саясий эрки жетеби?
Парламенттик шайлоонун алдын ала жыйынтыгы жарыяланды. Алгачкы маалымат боюнча парламенттин курамына мурдагы чакырылыштагы 50гө жакын депутат, айрым жаңы жүздөр келчүдөй болуп турат. Парламенттик шайлоо кандай өттү, кийинки парламенттин жүзү кандай болот?
Орус президенти Владимир Путин Кыргызстанга мамлекеттик сапар менен келди. 26-ноябрда өткөн жолугушууларда Кыргызстан менен Орусиянын ортосундагы мамилени тереңдетүү, бир нече багытта кызматташтык өнүктүрүү тууралуу сөз болду.
Кыргызстандын саясий турмушу кызып, парламенттик шайлоонун үгүт өнөктүгү башталды. Эми 19 күн бою талапкерлер өз программасы менен тааныштырып, добушун алууга аракет кылат.
БУУнун башкы катчысынын Ооганстан боюнча өкүлү жана Ооганстанга көмөк көрсөтүү миссиясынын башчысы кызматын тапшырып келген экс-президент Роза Отунбаева “Азаттыкка” эксклюзивдүү маек курду. Отунбаева Ооганстандагы кырдаал, аялдардын абалы жана коопсуздук тууралуу айтып берди.
Кыргызстанда Жогорку Кеңеш өзүн-өзү таркатты. Өлкө эгемендик тарыхында алгач жолу ишке ашкан бул чечимди депутаттар саясий туруктуулукту сактоо ниети менен түшүндүрдү. Эми мөөнөтүнөн мурда парламенттик шайлоонун датасы беш күн ичинде жарыяланышы керек. Жетинчи чакырылыштагы парламент кандай иштеди?
Кыргызстанда бийлик жана оппозиция жаңы эрежелерди калыптандырышы керек. Мындай пикирин “Социал-демократтар” партиясынын лидери Темирлан Султанбеков “Азаттыкка” курган маегинде билдирди.
Өткөн апталарда Жогорку Кеңештин айрым депутаттары инвестициялык климат, менчик укугу тепселенип жатканын айтып чыгышты. Мындай билдирүү өлкөдө коррупцияга каршы күрөштүн алкагында ири ишкерлердин мүлктөрү мамлекетке өткөн учурга туш келди.
Жогорку Кеңештин депутаттары жайкы каникулдан кайтып келгендери бери парламент өзүн-өзү таратып, мөөнөтүнөн мурун шайлоо өтөрү тууралуу талкуулар күчөдү. Муну бир катар депутаттар ырастаса, Борбор шайлоо комиссиясы шайлоо өткөрүүгө даяр экенин ырастады.
Август айынын ортосунда Украинадагы согушту токтотуу аракеттери ыкчамдап, дүйнөнүн назары бурулду. Алгач Аляскадагы Трамп-Путин жолугушуусу, андан кийинки Вашингтондогу Зеленский жана Европанын лидерлеринин Трампка зыяраты Украинадагы согушту токтото алабы деген суроого жооп издедик.
Кыргыз өкмөтү Батыштын Орусияга салган санкцияларын кыйгап өтүүгө жергиликтүү ишканалар аралашпоосу үчүн бир нече механизмдерди ишке ашырууда. Бул тууралуу Министрлер кабинетинин төрагасынын биринчи орун басары Данияр Амангелдиев "Азаттыкка" маегинде билдирди.
Дагы жүктөңүз
