“Азаттыктын” Бишкек бюросунун кызматкери, веб-редактор. Жусуп Баласагын атындагы Улуттук университеттин бүтүрүүчүсү.
Кыргызстанда биздин замандын II–III кылымына таандык байыркы музыкалык аспапты калыбына келтиришти. Аркайык деп аталган арфага окшош аспап мындан үч жыл мурда Ысык-Көлдөгү коргондордун биринен табылган.
Кыргызстанда биздин замандын II–III кылымына таандык байыркы музыкалык аспапты калыбына келтиришти. Аркайык деп аталган арфага окшош аспап мындан үч жыл мурда Ысык-Көлдөгү коргондордун биринен табылган. Археологдордун белгилешинче, аркайык көчмөндөрдүн мурасы, буга чейин 1947-жылы Алтайда табылган.
Немис драматургу Бертольт Брехттин айрым чыгармалары кыргыз тилине которулуп, сахнада коюлуп жүрөт. Жакында эле "Учур" театры "Өлөрман эне жана анын балдары" пьесасын көрүүчүлөргө тартуулады. "Тандалма аңгемелер" берүүбүздө автордун "Жолу жок кемпир" чыгармасы тууралуу кеп кылабыз.
Кыргыз Республикасынын эл артисти, Калый Молдобасанов атындагы Кыргыз улуттук консерваториясынын профессору, III даражадагы “Манас” орденинин ээси Улукмырза Полотов дүйнөдөн кайтты.
Борбор калаада 7-июндан бери IV Бишкек эл аралык кинофестивалы өтүп жатат. Анын алкагында Борбор Азия жана чет элдик режиссерлор тарткан тасмалардын сынагы өтөт. Бул жылкы фестивалдын кадырлуу коногу француз актрисасы Одри Тоту болду.
Бишкекте диабеттик бут синдромун дарылаган адистердин алгачкы бейформал жыйыны өттү. Ага өлкөнүн ар кайсы аймактарынан дарыгерлер келип, өз тажрыйбалары менен бөлүштү.
Кыргызстанда балдардын 95% тиши кариес. ЮНИСЕФ уюмунун акыркы жылдары жүргүзгөн изилдөөсү алты жашка чейинки балдардын 78% таттуу суусундуктарды ичерин көрсөткөн.
Кыргызстанда Чыңгыз Айтматовдун чыгармасынын идеясынын негизинде "Кассандра" аттуу хоррор тасма тартылды. Фильмдин режиссеру Бекзат Пирматов. Анын буга чейин тарткан "Аврора" аттуу тасмасы бир катар эл аралык сыйлыктарды жеңип алган.
Бишкекте Жогорку адабий курстун алгачкы бүтүрүүчүлөрү 3-4-июнда дипломдук иши катары жазган чыгармаларын жакташты. Алар курста эки жылдай окуп, бул аралыкта адабият тууралуу кенен түшүнүк алып, чыгармачыл жөндөмдөрүн өнүктүрүшкөн.
Бишкекте кол өнөрчүлөрдүн "ОЙМО-2026" фестивалы өтүп жатат.
Бишкекте акын Максат Жангазиевдин "Бакыттан кат" аттуу поэзия кечеси өттү. Анда балалык, мекен, ата-эне, сүйүү тууралуу саптары окулду. Адабият жаатында жүргөндөр анын ырлары тереңдиги жана чындыкты айтканы менен өзгөчө экенин белгилешет. 25-майдагы кечеге ар кыл курактагы ыр күйөрмандары катышты.
Кыргызстанда диабетикалык бут синдромуна чалдыккан бейтаптардын көбүнүн бутун кесүүгө туура келет.
Бишкекте Үркүндүн 110 жылдыгына арналган китеп жарык көрдү. "Эсимде" платформасынын бул эмгегинде бир кылымдан ашуун мурда болгон кандуу окуянын ар кандай тармакта чагылдырылганы талданган.
Кыргызстанда кант диабетине чалдыккандардын саны өсүүдө. Расмий маалыматтарга таянсак, учурда 90 миңдей адам бул оору менен каттоодо турат. Диабет бейтаптын көзүн, бөйрөгүн жана нерв системасын иштен чыгарганы менен кооптуу. Айрыкча нервдер жабыркаганда адам бутунан ажырашы мүмкүн.
Өткөн жумада Министрлер кабинетинин төрагасы Адылбек Касымалиев Улуттук онкология жана гематология борборуна күтүүсүз барды. Өкмөт башчы мындай кадамын элден арыз-даттануулар көп түшкөнүнө байланыштырды.
Кыргызстанда “Азаттыктын” иликтөөчү журналисти, маркум Уланбек Эгизбаев тууралуу “Мафия” аттуу көркөм тасма тартылды. Анда бажыдагы коррупция жана көрүүчүгө тааныш саясий окуялар камтылган.
Кыргызстанга тарыхта биринчи жолу Африка өлкөсүнүн өкүлү расмий сапар менен келди. Того Республикасынын Министрлер кеңешинин төрагасы Фор Эссозимна Гнассингбе менен президент Садыр Жапаров сүйлөшүү жүргүздү. Кыргыз өкмөтү соңку жылдары бир катар Африка өлкөлөрү менен алака курууга умтулууда.
Кыргызстанда соңку жылдары кино тармагы өзгөрүүдө. Мындан үч-төрт жыл мурда комедиялар басымдуу болсо, азыр мистика, триллер жана криминалдык тасмалар каптады.
Бишкектеги Таштан Эрматов атындагы музыкалык -педагогикалык институттун студенттери эки күн мурда милицияга жеткирилген. Буга алардын окуу жайдын аталышындагы “музыкалык” деген сөздү калтыруу талабы себеп болгон. Институт жетекчилиги жаңы өзгөрүүлөр талапка ылайык гана жүрүп жатканын билдирди.
Дагы жүктөңүз
