жума, ноябрь 21, 2014 Бишкек убакыты: 08:04

Дин

Мусулман жаңы жылды майрамдабаш керекпи?

Депутат Турсунбай Бакир уулу студенттер менен жолугушууда жаңы жыл майрамын белгилебөөгө үндөдү.

Парламенттеги “Ар-намыс” фракциясынын депутаты Турсунбай Бакир уулу өзүнүн Файсбуктагы баракчасында студенттик жатаканага барганында мусулмандар жаңы жылды майрамдабаш керек, анткени ал тууралуу Куранда эч нерсе айтылган эмес дегенин жазып чыкты. "Азаттыкка" маегинде депутат жазганын далилдеп, а түгүл өлкөдө белгиленип келаткан 23-февраль, 8-март, 1-май өңдүү майрамдарды да белгилебей, бир гана Курман айт менен Орозо айтты майрамдаш керек деп билдирди.

Жаңы жылды бутпарастар ойлоп чыгарган деген оюн Турсунбай Бакир уулу Ишеналы Арабаев атындагы мамлекеттик университеттин №1 жатаканасында жашаган студенттер менен жолугушууда айткан экен.

- Анткени бул мусулмандардыкы эмес. Орустардын, христиандардын Библиясында да жаңы жыл жөнүндө эчтеке жок. Муну адамдар өзү ойлоп чыккан, бул динге эч кандай байланыштуу эмес. Ал эми өзүн мусулман санап, бирок жаңы жылды майрамдагандар толук мусулман эмес. Алар мусулманмын деп туруп атүгүл христианчылыкка да тиешеси жок, башка динге да тиешеси жок майрамды өткөрсө, анда эмнеси мусулман? Ошол үчүн алар билип алыш керек: жаңы жыл биздин майрам эмес, аны белгилебеш керек.

Бул жолугушууга катышкан студенттер Кайрат Жолдошов мындай пикирде:

- Эң биринчи эле келгенде майрам деген эмне деп башталып, анан жаңы жылга байланыштуу козголду бул тема. Тосууга болобу-болбойбу, мусулманга тиешелүү майрамбы? – ушундай суроолор козголду да. Эми мусулман болгондон кийин ал биздин майрам эмес. Мусулмандарда эки эле майрам бар: Курман айт жана Орозо айт. Жаңы жыл ысырапкерчилик дейм да. Негизинен көпчүлүгү антип ойлобойт, баары тособуз деген ою бар. Анткени дин жагында жүргөн адамдар тоспойбуз деп ойлошот, а калган көпчүлүгү үй-бүлөлүк майрам деп ойлошот.

Иш-чараны университеттин жатаканасында Өзбек ажы Чотонов жетектеген “Дил мүрөк” адеп-ахлак борбору уюштурган. Студент Элдияр Калмуратовдун айтымында, “Дил мүрөк” уюму буга чейин эле ар кандай темалар боюнча жатаканада талкуу өткөрүп жүрөт.

- “Дил мүрөк” биздин жатаканага келип, жакшы болгула, жакшы жолго түшкүлө деп акыл-насаат айтып жүрөт. Булар мурун да келип ата-эне жөнүндө тема козгогон экен, бирок биз катышкан жокпуз. Ар-бир келгенде булар бир теманы алат, жаштардын оюн, пикирин билет. Бир күнү ата-эне жөнүндө, бир күнү ичикилик, бир күнү хижаб – ушундай темалар козголуп турат, эми динге басым жасалды. 

Билим берүү жана илим министрлигинин басмасөз катчысы Керез Жукееванын сөзү боюнча, Турсунбай Бакир уулу депутат катары университеттин студенттери менен жолугушуу өткөрүүгө жана кандайдыр бир маселе боюнча оюн билдирүүгө укуктуу. Бирок мамлекеттик окуу жайлар динден сырткары болгондон кийин кайсы бир динди пропагандалоого жол берилбейт деп кошумчалады Жукеева:

- Жолугушууда эмне жөнүндө сөз болгонун тастыкташ үчүн министрлик сөзсүз түрдө Арабаев университетинде окуу иштерин алып барган жетекчилиги менен сүйлөшүш керек. Динден сырткары мамлекеттеги окуу жайы болгон соң сөзсүз түрдө дин өз алдынча иш жүргүзүш керек. Пропаганда болбош керек. Кайсыл бир динди кабыл алабы, ишенеби – ал жарандын өз укугу да. Ошол эле кезде ал өзүнүн милдеттерин да унутпаш керек.

Ал эми Ишенаалы Арабаев атындагы университеттин жетекчилиги бул окуяга карата карама-каршы комментарийлерди берди. Жаштар саясаты жана спорт боюнча проректор Мелис Оңолбаев бул жолугушуулар университет жетекчилиги менен макулдашылганын жана студенттерди тарбиялоого багытталганын айтты.

- Мусулманчылыктын баалуу, адеп-ахлактуу идеяларын кабыл алууга биз уруксат беребиз жана ошого колдоо көрсөтөбүз. Сиздер билесиз да исламда ыймандуулукка тарбиялоочу баалуулуктар өтө көп.

Ошол эле убакта университеттин биринчи проректору Тууганбай Коңурбаев бул жолугушуу тууралуу кабарсыз экенин жана окуу жайда динге байланышкан үгүт иштерине жол берилбесин белгиледи:

- Мамлекеттик окуу жайларда ар бири келип, жеке оюн айтып, аны өзүнчө бир идеологияга айлантып жатканы туура эмес деп ойлойм. Бул биринчиден, мамлекеттин алсыздыгынан кабар берет. Жаңы жыл тосуу кыргыз элинде өзүнчө бир салтка айланып келаткан көрүнүш. Башка көз караштар менен жаңы жылды тоспогула деп жүргүзүп аткан саясаты туура эмес экенине көзүм жетип атат. Алар көрүнгөн жерде көрүнгөн сөздөрдү айтууга укугу жок.

Биринчи проректор Турсунбай Бакир уулу менен жолугушуу боюнча жыйынтык чыгарарын кошумчалай кетти.

Теолог, тарых илимдеринин доктору Назира Курбанова кыргыздар негизинен өзүн мусулман санап, бирок баш-оту менен берилбей келгенин, жаңы жылды салттуу майрам катары кабыл алаарын айтып, бирок соңку жылдары исламдашуу күч алган шартта жаңы жылга да көз караш өзгөрүшү мүмкүн деген пикирин билдирди.

Ишеналы Арабаев атындагы мамлекеттик университеттин студенттери менен жолугушуу өткөргөн Карабек уулу Улугбек талкуулар башка да университеттерде өтө турганын кабарлады.
Макала боюнча пикир билдириңиз. Пикир редакцияланбайт, эрежеге шайкеш келбесе, сайтка чыгарылбайт. Бирөөнү жектеген, кемсинткен, жеке адамдар, топтор, улуттар ортосунда кастык жараткан пикирлер жарыяланбасын эскертебиз.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
Электөө
Жалпы 3 беттин -бетиндеги пикир
    Алдыга 
кимден: real-islam
24.12.2012 14:33
Улуу урматтуу туугандар! Бир момун-мусулман жаӊы жылды кандай тосуу керектиги жөнүндө билүү максатында төмөнкү видеону көргүлө, Кудай буюрса, бул темада жетишерлик маалыматка ээ боло аласыӊар: http://www.youtube.com/watch?v=ha6prEyCtWQ

кимден: Аты-жөнү жазылбаган
17.12.2012 21:12
kele jatkan jani jilinar menen!

кимден: kgz каяктан: kgz
17.12.2012 21:02
Jani jildi toskula akchanardi chachkila arakti ichkile ertesi bashti jazgila 5-6 kundon kiyin kara kursaginar achat anan kayra ittin kunun korup akcha tapkila.
p.s. Basa 31-dekabr kunu tilek tilegile ayaz atanar ay jok santa klaus go atanar tileginerdi orundatat. Anan mas bolup kiz jigitter biri birindi buzgula.

кимден: аяз
17.12.2012 12:12
илгери келт деген элдер ызгаарды бир чал бакшкарат деп ойлошкон, анан ал чалды жоошутуш үчүн малын союп эт, чучук- мучугун дарака илип, айылдын эң сулуу кызын дарака жылаңач байлап, анан ал чалды чакырышкан. Ошол азыр аяз ата, аяз кыз, анан жанагы арчадагы оюнчуктар.

Ошон үчүн аяз ата, аяз кыз, арча-марча дебей эле койгон оң.

кимден: Azattykka
17.12.2012 01:30
Azattykka bali deshten bashka ailan jok. Ar daiym pikir4ilerge sook tashtap kelet.

кимден: kyrgyz
16.12.2012 15:45
Ата - эне, туугандар кенедей балдарга белек тартуулап маанайын ачып. Интернат жана детский домдордогу балдарга белек берип ыр ырдап көнулун көтөруп. Адамдар бири бирин Жаңы жыл менен куттуктап жакшылык тилеп дасторконго болгон тамагынды койуп бата тилеп турган абдан жакшы, ал эми кээбирөөнөрдун Жаңы жылды тозбогула дегендер ичинерге шайтан эле кирип кетткендей. Aдамга жакшылык каалабай калган эле адамдар. окшойсунар

кимден: Мугалим
16.12.2012 00:25
Тууганбай Коңурбаев:
- Мамлекеттик окуу жайларда ар бири келип, жеке оюн айтып, аны өзүнчө бир идеологияга айлантып жатканы туура эмес деп ойлойм. Бул биринчиден, мамлекеттин алсыздыгынан кабар берет.
----------------------------
Россияда эки каргаша бар - акмактар жана жолдор.
Орустун акылдуу адамдары муну кыргыздар жонундо айткан бейм, аты аталган жетекчи-соройдун бул суйлогондору буга далил болуп турат :).
Университет жаратылышы, идясы боюнча билим уйронуу жери. Билимди ойлорду салыштырып гана уйроно аласын а салыштырыш учун ал ойлор айтылышы керек. Университеттин жетекчилеринин милдеттеринин бири ошол идеяларды айткан адамдарды алып келип ойлорун айттырып, ага каршы же кайчы пикирди да айттырып, студенттерге уйронуу кырдаалын тузуу.
Ушундай Сабитжандар барында кыргыз "кыке" болуп эле журо берет.
Пикирге жооп

кимден: Анар каяктан: Ош
04.01.2013 22:50
Мугалим, Окуу жайларында "ой" айтуу учун атайын окутуучу - прфессордук курам бар. Алар студенттерге ар бир айткан созу учун жоопкер. Ал эми ЖОЖ орусча айтканда "проходной двор" эмес да кочодон ар ким барып каалаган философиясын тануулай бергидей (бул Турсунбай Бакир уулуна тийиштуу эмес).

кимден: АДАМ каяктан: ЖАЛГАН ДУЙНОДОН
16.12.2012 00:01
Ассаламу- алейкум ва Рахматиллохи ва баракатух, 1 чиден ким озун мусулман эсептесе, мусулмандар учун ар куну да майрам эсан аман тиру ойгонгонибиз учун. Алхамду-лиллах 2 чиден Аллах Талаа белгилеген орозо айыты Курбан айытта чон майрам, орус же башка динге карашту майрамдер, мусулмандар учуун эмес. Аллах Талаа айткан ким озун мусулман деп эсептеп, башка диндин адамдарын кийинип же майрамын кылганын кылса ошол динди таифасына отот деген. Кияматта азабы катуу, Турсунбай Бакир улуу сизден Аллах ыразы болсун тору жол корсотконуз учуун, 1 мусулман 2 мусулманга куно боло туратурган иштерди, билип туруп билбеген мусулманга айтпаса, Аллахты жолуну корсотпогон кунолу болуп калат. Шул пикирлерди жазган тугандар, ар бир нерсени ойлонуп ойлонбой жазыштан муруун, эмнеге шунтип айты деп, бир хадистерди окуп чыксанар болмок. Каяктакы ушакты дагы окуйсынар, ким Аллахтын эмес шайтадын созуно тез кирип, шайтандын айтканын кылса ошол адамды кияматта тозокко тездик менен киргизет. Создорум катуу тийсе кечирип койгула, АЛЛАХЫМ ОЗУУН МУСУЛМАНМЫН ДЕП ЭСЕПТЕГЕНДЕРДИ ИЙМАНГА ИСЛАМГА БАЙ КЫЛГЫН ХИДАЯТЫНА АЛЫШЫНДЫ СУРАНАМ АМИИН!!!!!












кимден: Мугалим
15.12.2012 21:19
Жаны жыл майрамынын ичкилик компонентин алып койсо кыргыз учун (бардык эле эл учун) эч кандай мааниси калбай калат. Бул башында Иса пайхамбардын туулган куну катары башталган майрамды бир да христиан мемлекети майрамдабайт. Муну атеист коммунисттер элди алаксытуунун бир амалы катары пайдаланып келген.
Адам баласы майрамдарды тилектеринин орундалышына байланыштырып тандаган ал эми дин - тилектин тироочу болот. Адамдар ишеничсиз жашай албайт. Биерде дин жонундо оозуна жаман создорду алып жаткандар да кудайга ишенишет, а ишенбейм дегендер филофиянын негизги суроосу "дуйно эмнеден башталган" дегенге жооп издебеген наадандар (наадан - невежда). Алар ойлонбой эле бир бейбаштык кылып жатышат жана ал жеке психологиялык проблема.
Чыныгы атеисттер - бул илимдин адамдарынын ичинде кездешет. Алар деле толугу менен кудайды танбайт, бирок аны теориялардын коп варианттарынын бири катары карашат.
Жаны жыл болгону календарлык майрам. Ооба жакшылыктарды тилеп жаны жыл тособуз дешет. Мындай ойлонуу рухий коронгосу бош, аны эмне менен толтурушун билбеген (негизинен советтик) элдерге эле муноздуу. Алар негизинен нукура традициясын жоготкон, диний ишенич сыяктуу жогорку денгээлдеги рухий доолоттордон четтеп калган элдер. Алар жогоруда бир аял айтып кеткендей, бир жылда жок дегенде бир жолу "торопойдой тоюп" бир кун болсо да уй-булолук бала-бакыралык проблемаларды унутуп алышты каалашат. Дагы эле, ичкилик жагын алып салганда бул кун бопбош болуп калат да аны кыкен майрамдай албай калат.
А негизи адам жакшылыктарды озуно жана жакындарына бир жылда бир жолу эмес, кунуго тилек кылышы керек, саат сайын, минут сайын. Ичкилиги жок!

кимден: Азамат каяктан: Бишкек
15.12.2012 21:12
Өз үйүмдө кайсы майрамды майрамдайм, бул менен жеке ишим. Ага Турсунбай Бакир уулунун кийлигишкенге кандай акысы бар. Негизи бул мырзанын аракети - чоң идеологиянын бир бөлүгү. Шегим бар, ушундай идеоогияны жүргүзгөнү үчүн арабдардан акча, грант алса керек. Негизи туугандар, сак бололу. Булардын оюна койсок, бизди Ирандын же артта калган араб өлкөлөрүнүн кейпин кийгизет. Сопулугун үйүндө беш эмес,он маал кыла берсин да, бирок коомго таңуулашканы чоочутат.
Пикирге жооп

кимден: Кул каяктан: Москва
15.12.2012 21:40
Азамат мен сага бир гана кыска соз айтам,башын жетсе балким тушуносун,мен сенин личностуна шек келтирбейм бирок сен Аллааны тааныбасан туалеттен айырман болбойт ишенбесен изденип окуп кор.Адабият силерче айтканда бул темада отоо коп
Пикирге жооп

кимден: Гулжигит каяктан: Аксы
17.12.2012 15:22
Кайсы шариятта жаны жылды тоскондор мусулман эмес экен? Азыркы чала молдолор каяктагы болбогон нерселерди шариятка кошуп атышат. Башка мусулман олколордо бейкуноо адамдарды олтуруп согушуп жатышат, согушкандар мусулман болуп, жаны жыл тоскондор каапыр болуп калабы? Мусулмандар башка улуттун жакшы нерселерин кылып, жаманын кылбай койсок болот да?
Пикирге жооп

кимден: Бай
15.12.2012 22:58
Эй кул, сага ким соз берди, бар кулдугунду кыл. Адабият дейт имиш дагы. Изденип окуп кор дегениндин баары диний китептер да бир да далили жок. Ким кандай майрамды кандай майрамдаса оз эрки, турсунбай экоондун ишин болбосун.
Жалпы 3 беттин -бетиндеги пикир
    Алдыга