дүйшөмбү, ноябрь 24, 2014 Бишкек убакыты: 12:24

Дин

Чубак ажы Жалилов: Диний жиктелүү коркунучтуу

Дүйнө коомчулугунун көңүл чордонунда турган АКШ-Иран маселеси, дааватчылардын оң-терс жактары туурасында Кыргызстандын муфтийи Чубак ажы Жалилов ой бөлүштү.

x
“Азаттык”: Ушу тапта, Иран-АКШ мамилеси курчуп турат. Кыргызстандагы мусулмандардын позициясы, пикири бул маселеде кандай болуш керек? Анткени, кээ бир мечиттерде, же көчөлөрдө болсун, айрым бир динчил адамдар жана имамдар Иранды жактап, АКШга же Израилге каршы чакырык жасаган учурлар да болууда. 

Жалилов: Албетте, мусулман адам өз мамлекетинин келечегине, өз элинин эгемендиги - эркиндигине кабатырланбай койо албайт. Сөзсүз түрдө ойлонот. Бирок ошонун баары акыл-эстин чегинде гана болушу керек.

Ал эми Иранга жан тартып, Американы жектеп, же тескерисинче, Иранды жектеп, Америкага жан тартып сүйлөгөн учурда, ал өзүбүз үчүн туура сезилиши мүмкүн. Бирок андан тескери тыянактар чыгып калышы да ыктымал. Себеби биз өзүбүздүн сөзүбүз менен адамдардын арасында козголоң чыгарып коюп, бирок эч кандай саясий чечимге жете албашыз мүмкүн.
Бизге сөзсүз түрдө даават керек, муну куткаруу деп атасак болот. Анткени кумар оюндарына кирип кеткен, аракеч болуп кеткен көптөгөн адамдарды куткаргандар дааватчылар болуп жатат....

Ошондуктан, мен имамдарга эгер сиз кайсы бир маселени туура деп чечсеңиз, аны саясий жетекчилерге билдириңиз деп айтаар элем. Бирок эл арасында толкундоолор чыгып кетпеши үчүн, ынтымак үчүн аны элге айтпаса, элди козгобосо дээр элем. 

“Азаттык”: Эл ичинде дааватчыларга карата көз караш бирдей эмес. Алардын үй-үйгө чейин кирип барганына нааразылыктар бар. Андан тышкары, дааватчылар ата-энелерин, бала-чакасын таштап, жер кезип кеткенин да жактырбагандар бар. Бул көрүнүштү бир эрежеге, тартипке салуу үчүн эмне кылуу керек деп ойлойсуз?

Жалилов: Бизге сөзсүз түрдө даават керек, муну куткаруу деп атасак болот. Анткени кумар оюндарына кирип кеткен, аракеч болуп кеткен көптөгөн адамдарды куткаргандар дааватчылар болуп жатат. Албетте иш, кыймыл-аракет болгон жерде сөзсүз түрдө кемчилик болбой койбойт. Ушул кемчиликтерди жоюу максатында кыргыздын кыртышына туура келе тургандай тариздеги даават болсун деген аракеттерди көрүп жатабыз. Бул жаатта бир жарым жылдан бери дааватчылардын курсу иштеп жатат. Ал жерде дааватчыларга илим-билим берилип, алардын түшүнүктөрүн кеңейткен иш-чаралар жүрүүдө. Бул өз жемишин берип жатат.

Ал эми дааваттын жолу менен эмес, жөн гана галстук тагынып, чыкыйып барып, же телевизордон сүйлөгөн учурда деле исламды жактырбаган адамдар бар.

Экинчиден, биз салыштырмалуулук дегенден алыс болуп жатабыз. Чындыгында эле дааватка чыгам деп, үч күнгө, кырк күнгө чейин үй-бүлөсүн таштап кеткендер бар. Бирок ошондон мурда төрт жыл арак ичип, үй-бүлөсүн таштап кеткен учурду такыр айтпайбыз. Ошондой эле  адам арак ичип, кургуйга түшүп кеткенде жаныбыз ачыйт, бирок  дааватка чыгып, оңолуп келип, бирок кемчилик кетирип койсо, анын катачылыктарын санап баштайбыз. Бирок ага чейин ал адамдын кандай гана кемчиликтери болду эле?.. Демек салыштыруу менен карашыбыз керек.

Айта кетүүчү нерсе, дааватта кыргыздын менталитетине шайкеш келген жөнөкөйлүк, көр дүйнөгө көп маани бербегендик сыяктуу окшоштуктар көп. Ошондуктан дааватты мен улуттук кайра жаралуунун, улутту сактап калуунун бир жолу катары карап, дааватка рахмат айтаар элем.

“Азаттык”: Бирок дааватка кандай адам чыгыш керек. Учурда диний билими бары деле, жогу деле дааватта жүрбөйбү?

Жалилов: Албетте, даават бул илимдүүлөрдүн иши, оозунда сөзү бар адам чыгып, айтыш керек билгенин. Андан мурда да өзү айткан нерсесине тажрыйба кылган, билгенин иш жүзүндө аткарган адам болуш керек. Теориялык маселелерди айта берген менен эле баары болуп кетпейт. Жүрөктөн чыккан сөз гана жүрөккө жетет.

Диний жиктелүү өтө эле коркунучтуу деп айтсак да болот. Эми жашырып канчага чейин барабыз. Азыр бизде хизбуттахрирчилер, дааватчылар жана салафи-вахабилер бар. Андан сырткары, такфир жамаат, нуржулар, сулайманчылар деген да топтор бар...

Ал эми бизде азыр даават деп адатка айланган нерседе билими жогу деле, түрмөдөн жаңы чыкканы, же болбосо кечээ аракеч болуп жүргөнү деле жүрөт. Бирок муну практикалык исламды көрсөтүү деп түшүнүүбүз керек. Он адам дааватка чыгып, арасында бирөөсү илимдүү болсо, калганы тогуз адамга намаз окуганды, исламдагы жүрүш-турушту, тамак жеген эрежелерди үйрөтөт. “Миң уккандан бир көргөн артык” деп кыргыздын накыл кебинде айтылгандай, көрүп келүү менен дааваттын философиясын түшүнөт деп ойлоймун. Анткени тажрыйба да өзүнүн натыйжасын берет. Андыктан дааватка чыккандын баары эле үйрөтөт деп түшүнбөш керек. Дааватта үйрөнүп келүү маселеси да турат.

“Азаттык”: Азыр Кыргызстанда исламдын ичинде жиктелүүчү күч дегендер бар, мейли акыйда-ишеним жагынанбы, мейли шариат жагынабы. Маселен, өлкөдө Пакистандан, Түркиядан, араб өлкөлөрүнөн окуп келгендер, же алардын идеясына сугарылган топтор бар. Бул жаатта сиздин пикириниз кандай. Мындай жиктелүү коркунучтуу эмеспи?

Жалилов: Бул коркунучтуу. Балким өтө эле коркунучтуу деп айтсак да болот. Эми жашырып канчага чейин барабыз. Азыр бизде хизбуттахрирчилер, дааватчылар жана салафи-вахабилер бар. Андан сырткары, такфир жамаат, нуржулар, сулайманчылар деген да топтор бар. Бирок булардын бардыгын тең эле жаңы бир агым катары кароо туура эмес. Булар устаттарынын, айрым бир аалымдардын көз карашы боюнча гана бири-биринен айырмаланышы мүмкүн. Бирок негизинен алардын 90 пайызы исламдын сунний багыты. Ал эми мусулман эмес ахмади-кадияни сыяктуу жамааттарга каршы күрөш жүргүзүшүбүз керек.

Айта кетүүчү нерсе, муфтияттын, же руханий лидерлердин негизги максаты - ушул жамааттардын башын кошуп, кайсы биринин туура эмес жагы болсо аларды түздөө. Жок эле дегенде бирин-бири жектебей, жамандабай тургандай болушсун деп жатабыз. Бардыгыбыз мусулманбыз, бирок кайсы бир маселелерде пикир келишпестик бар. Бул нерсе биздин бир туугандыгыбызга, бүтүндүгүбүзгө, мамлекетибиздин эгемендүүлүгүнө терс таасирин тийгизбеш керек деп түшүндүрө алсак, муфтият, жеке мен өзүм бул максатка жеттик деп ойлоор элем. Анткени, таптакыр дини башка делген православдар менен деле канча жылдан бери ынтымак менен жашап келатпайбызбы. Диний жамааттардын ортосунда толеранттуулук, бирин-бири түшүнүүчүлүк маселеси алдыңкы орунга чыгыш керек.

“Азаттык”: Ушу тапта айрым жеке үйлөрдө, батирлерде кыз-келиндерге таалим делинип сабактар үйрөтүлүп жатат. Алардын баарын ким көзөмөлдөйт? Алар кандай китептерден, эмнени окутуп, кандай маалыматтарды таратып жаткандыгы боюнча муфтият тарабынан көзөмөлдөнгөн иш барбы?

Жалилов: Чындыгында, бул боюнча Кыргызстандын аймагы толук көзөмөлгө алынган жок. Бишкекте, Ошто тамак ичебиз, чай ичебиз, аш жейбиз деген шылтоолор менен чогулушуп, окутуп жаткандар бар. Кээде туура эмес билим бергендер да жок эмес. Ошондуктан Ош шаарынын казысы доктор Ниязалы Ариповдун демилгеси менен Ош облусуна аялдарга сабак берүүчү жайларды түзүүдөбүз.

Бул үчүн илимдүү аялдарды каттоого алып, аларга сабак берүүгө уруксат берүү маселесин карап жатабыз. Себеби биз аялдарга мүмкүнчүлүк түзүп бербесек, бул көмүскө жол менен жүрүп, аларга башкалар туура эмес маалыматтарды берип коюшу мүмкүн.

Заирбек Бактыбаев

 “Азаттыктын” Бишкектеги кабарчысы, журналист. Саясат, дин темалары боюнча адис.

Макала боюнча пикир билдириңиз. Пикир редакцияланбайт, эрежеге шайкеш келбесе, сайтка чыгарылбайт. Бирөөнү жектеген, кемсинткен, жеке адамдар, топтор, улуттар ортосунда кастык жараткан пикирлер жарыяланбасын эскертебиз.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
Электөө
Пикир
     
кимден: фархат каяктан: россия
26.03.2012 17:31
Чубак муфти! Мен бир жерди тушунбай калдым. Жакында телевезордон реклама аркылуу короп калдым. Кыргыз Ислам Маднияты сестемасин кылабыз деп жаряланган. Бул кандай Ислам? Ар бир өлкө өзүнчө Ислам болуп буга кандай түшүнүшү болот. Же сен 1920-ж Бухара Эмерге окшош Исламский манархия түзгөн барбы? Биз бир гана Исламды билебиз. Жараткан Алла анын ПайгамбарСАВды аны артынан эрчиген үммөттөрүн Алланын буйуругун аткарган. ПайгамбарСАВдын сүннөтүн аткарган коом Ахмадий Жамааты деп билем. Себеби, булар чынчындык Алланын буйуругун ПайгамбарСАВнын сүннөтүн аткарган коом. Бул коом баар коомду сүйүү мамеле менен оз ичине тарткан. Эч качан эч кимде четке түртпөгүн. А эми сен өзүңгө окшогон молдолорун даъватчыларын Исламды жакшы түшүнбөгүн элдерди шуга окшошгон чыновниктерди динде такыр түшүнбөгүн динсиздерди адаштырып туура жолдон ээри жолго саласың. Чубак канчадан канча орунсаң эч нерсе кыла албайсың. Бул Жамаат өнөт-өсөт Алланын амри буйургу МухаммедСАВ васийат болуп калган сүннөт. Андан көрө эсеңди баарында эсеңди таап. Алланын астында күнөөгө батпа. Сен али жашсың сага өлгү болуп калышы керек өткөн Имам Муфтилер. Жараткан Алланын айткан сөзү бар аны сен жакшы билешиң керек. Ал айткан мен имени Пайгамбарларымды эрчиген коом үммөттөрү жеңет. Кимдин ким мени Пайгамбардарымды сүннөтүн мени буйургумду аткаргандарга каршы чыкандарды мен өзүм жок кылам деген убадасың билесиң. Наъузубиллах жаш үмөрүң кийлип кетпесиң.

кимден: real-islam
18.03.2012 23:30
Урматтуу мусулман бир туугандар! Азыркы күндө айрым уламалар Алла тааладан эч коркпой, каалаган адамды же жамаатты «каапыр» деп фатва чыгарып коюшат. Алла тааладан корккон жана чыныгы улама болгон илгерки аалымдар ошондой ойдон такыр алыс болчу. Дин жөнүндө маалыматы аз же жок адамдарга сабак болсун үчүн төмөнкү пикирди жазмакчымын: ханафийлердин атактуу уламаларынан болгон 970-хижра жылда каза тапкан, «ал-Бахрур-Роик» аттуу китептин автору Ибн Нажим рахматуллаахи алайхи мындай деген: «Эгерде бул маселеде каапыр деш үчүн токсон тогуз (99) далил болсо да, каапыр дебеш үчүн бирөө гана далил болсо, токсон тогузду коюп, ошол бир гана далилди алуу керек». Тилекке каршы, азыркы күндө динде чегарадан ашып кеткендер, бул маселеде момун деш үчүн токсон тогуз далил болсо да, каапыр деш үчүн бирөө гана далил болсо, токсон тогузду коюп, ошол бир гана далилди алуу керек дешет. Бул бардык мазхабдар жана ошол такыба уламалар тутунган жолуна каршы келет.

кимден: фархат каяктан: россия
18.03.2012 19:55
Иничек Чубак! сенин көптөгөн жооптуруңду окуп шундай пикирге келдим: сен бир сууда жүргөн балыктай болуп. Түткан колдон сыпалып чыгып кутлайын дейсиң. Бирок муну билеп кою. Элдин колунан кутулганын менен Алланын колунан кутулбайсың. Мен сени мурда давъат башчысы болуп иштеп жатканында муфтиятта бир жактан мен өттүү кубаычта элем. Илимдүү жаштарыбыз көбөйюп жатат деп. Андан кийин карасам анчата илимин үстүн эмес экен. Хадисте сүйүктүү ПайгамбарыбызСАВдын ислам дини 73 фуркадан болот десе. Менин үмөттүмүн бир гана Жамаат туура болот. 72 адашып калат десе. Сен өзүңдү Сүйүктүү ПайгамбарыбызСАВдан үстүндү көтөрүп наъузибиллаху жараткан Алланы да оруна отурайн десиңби. Өзүң мактаңганын коомуңга мени 3 тонна китептерим бар деп айтакан экенсиң. Анда көрсө ошо илимин ашып ташкан ошол үчүн Сүйктүү ПайгамбарыбызСАВга четке каккан экенсиң. Бирок сен учуп жүргөн бир чимчектин тумшугу сууга тийигинчелик илимиң жок турбай. Бир Жамаатын мени сүннөтүмдө жан Ыйык Алланын сөзү боюнча жайт деп айткан эле. Сен аны четке какып 72 туура бирөө туура эмес дейсиң. Анда кел! Бүткүл Аламдарды жана карыларынды муну аз десиң. Чет өлкөлөрдөн алып кел. Эң кыйн болгон кадыр малыкты чыгыр. Биз диалог кылабыз. Мен жактан жөнөкөй эле адамдар барат болгону беш жети класс билими бар. Ушунда суроо жооп берешибиз. Сентральний телеведния анан кокустук оргундар КГБ, МБД аларда катысын. Сиздер жеңсеңер биз анда эки колубуз менен баш ийип беребиз. Кана, кандай десиң бул суроого. Бул суроо менимче сага жетишет деп билебиз. Жообубту кутуп турам. Дагы бир айтарым иничек өткөн аламдар айтчуу: «Эр жигит ээсин тапса этегини жабат». Атка меңсенг ойлонуп миңг ооздогун мекем карма чуркатам деп камчы урба алып иргтат жар жукуруна чыкпай каласын ал жерден.
Фархат Рассия

кимден: Али каяктан: Россия
07.03.2012 20:35
Урматтуу Муфти! Мен сизди аябай такыба, алым деп укчумун. Бирок убакыт өтүп адамдардын илими көбөйбөй азайып калабы, билбедим. Хадисте Пайгамбар САВ «Менин үммөтүмдөн бир гана жамаат туура болот, калган 72 жамаат адашып калат. Бул жамаат менин сүннөтүм жана Ыйык Куран боюнча жашайт» деп айткан эле. Мен жөнөкөй пендемин, сиз өтө такыбаа аалымсыз. Бул хадис кайсы китепте, кайсыл мааниде айтылганын да жакшы билесиз. Сиз, наъузибиллах, Пайгамбар САВ дан дагы аалым болуп кеттиңгиз го... Пайгамбар САВ бир гана жамаат туура деп айтып турса, сиз болсоңуз жок бир гана Ахмадия-кадиянийлер тураа эмес, калгандар бардыгы туура деп айтып жатасыз. Өзүңүз ойлонуп көрсөңүз, Кыргызыстан муфтиси Чубак Ажыга ишенсек жакшыбы же Алланын Пайгамбары САВгабы... Сизге чоң ыраазычылыкты да билдирип коюу керек, сиз өзүңүз Пайгамбар САВ айткан бир жамаатты ажыратып коюпсуз го. Сиз бир креслонун адамисиз, сизге чейин бул креслого канча адамдар отурду, сизден кейин дагы отурушат. Алар дагы жамаатка каршы сүйлөштү, бирок акырындап өздөрү ошол креслодон алып салынды. Кудай буюрса, биз ошол күндөрдү дагы кайрадан кайталанганын көрүп калабыз. Сиз бир адамды эмес, бир топ адамды мусулман эмес деп өкүм чыгарып койдуңуз. Эгер сиз бул өкүмдү туура деп айтсаңыз, Кудай сактасын, Анын сизге болгон өкүмүн деле жакшы билсеңиз керек. Акыйкатта, бул сиздин ишиңиз эмес, бул өкүм чыгаруу Алланын иши, сиз Ахмадийлар менен эмес, башка диндерге каршы өзүңүздүн пикириңизди билдерсеңиз аябай жакшы болмок: мисалы баптистер, христиандар жана башкалар сыяктуу. Муфти ушак сөз таратып жүрсө, ага жарабайт экен... Эгер сөзүңүз ушак болбосо, Куран жана Хадис менен пикирлериңизди далилдеп койсоңуз!
Пикирге жооп

кимден: Адил
10.03.2012 10:18
Сиз айтып жаткан хадис эч бир сахихте жок. Илимге умтулунус, таксыр. Ойлонунуздар урматтуу туугандар. Бир нече уюмдар бизди жамааттын ичинен жарганга аракет кылып жатышат, абайланыздар.
Пикирге жооп

кимден: Али каяктан: Россия
10.03.2012 16:52
Тууганым Адил! «Бул хадис эч бир сахихте жок» дегениңиз абдан таң калыштуу жана бул жөнүндө маалыматыңыз чийки экенинен далалат берүүдө. Себеби, бул хадис «Жамеъ Тирмезийде» кезигет. «Жамеъ Тирмезий» болсо, «Сиха ситта» (эң туура алты) хадис китептеринин бири. Аталган хадисти Имам Ахмад, Имам Термизий (абваабул-ыйман, баабу ифтираки хаазихил уммати) жана Ибн Маажа (Абваабул-фитан, баабу ифтиракул-умами) баян эткен. Имам Термизий жана Хаким экөөсү тең ушул хадис сахих (туура) экенине пикирлеш болгон. «Сунан ибн Маажа» дагы «сиха ситта» (эң туура) хадис китептеринин бири. Өзүңүз да бир ойлонуп көрбөйсүзбү? Бул күндөрдө Мисирдеги «Ал-Ахзар» университетинин фатва бөлүмү да ушул хадис «сахих» (туура) экенине фатва беришти. Чындыктан көз жумгандан көрө аны изилденүү максатка ылайык иш болот.
Пикирге жооп

кимден: бОЛШОЙ БРАТ
08.03.2012 03:56
ай жонокой пенде пайгамбардан да аалым болуп кеттиниз го дегенди тушунбодум анан мен мындаймын мен тигиндеймин дегенден коро биринчи мен киммин эмнеге жаралдым десенер.куран хадис дейсинер ал эмне экенин билесинерби адашканга мин далил да отпойт жазгандан алдын ойлонсонор кайра кайра эмне деп жатам деп ойу жок доодуробой
Пикирге жооп

кимден: real-islam
10.03.2012 14:44
Мухаммад Пайгамбар САВ мусулман үммөт 73 агымга бөлүнүп кеткенде, алардын арасынан бир эле Жамаат туура жолдо болот, калгандары адашкан болот. Бул деген, 72 бир тарапта, ал эми бирөө жалгыз бир тарапта. Эми бүгүн 14 кылымдан кийин кимдир бирөө 72 туура, ал эми бирөө адашкан десе, анда ал киши Мухаммад Пайгамбардан САВ аалым болуп кеттиби деген суроо туулушу – бул табигый көрүнүш.

кимден: Rustam
07.03.2012 10:11
Өткөндө Меккеде жайгашкан Кааба жана анын ыйыктыгы жөнүндө бир макала окуп жатканда, «Каабанын чек араларында мергенчилик кылуу, токой айбандарына тийишүү жана өзүнөн-өзү өскөн чөптү же бак-даракты кесүүгө тыюу салынган» деген жерге көзүм түштү. Бул сүйлөм мени абдан айран-таң калтырды. Бул таалим Ислам дини канчалык таза жана зыяны жок дин экенинен далилдеп жатат. Бул деген, адамга тийишүү тургай, айбанга да, чөптөр жана бактарга тийишүүдөн да сак болуу керек. Анан бүткүл дүйнөдөгү ажылар да Меккеге барып, Каабаны айланып, ошол сабакты алып өзүнүн мекендерине кайтышат. Биздин Кыргызстандан да жыл сайын ажылар Меккеге барышат. Урматтуу муфтибиз да бир канча жолу Меккеге барып, ошол сабакты алып келген болсо керек. Бирок тилекке каршы иш жүзүндө анда бир дагы өзгөрүүнү байкап көрө элекпиз. Мисалга, ал мечитте кутба окуйбу, интервью береби же телевизордон сүйлөйбү, жөн жерден Ахмадийлерге тийишип өтөт. Жогоруда курулган маеги да айтканыбызга жарык далил. Ыйык Куранда момун-мусулмандарга мындай деп бюрулган: «Эй, ыймандуулар! Бир эл экинчи (башка) бир элди шылдыңдабасын: (анткени) балким, алар тигилерден мыктыраактыр; ошондой эле аялдар да башка бир аялдарды шылдың кылышпасын: мүмкүн тигилер беркилерден мыктыраак. Өзүңөрдү (бири-бириңерди) жемелебегиле! Бири-бириңди жакпаган аттар менен атабагыла! Ыйманга келгенден кийинки бузукулук – кандай ыплас! Кимде-ким тообо кылбаса, демек, алар - заалымдар». (49:11). Жер жүзүндөгү эч бир Ахмадий өзүн «кадияний» дебейт, өзүн «кадияний» деп жазбайт жана «кадияний» деп аталууну жактырбайт. Эмнеге урматтуу муфти Ыйык Куран сөзүн аткарбайт? Же Кудай сактасын, «молдонун айтканын кыл, кылганын кылба» деген чынбы? Дагы бир маселе, ким мусулман экенин же мусулман эмес экенин Алла жана Анын Пайгамбары (САВ) чечип койгон, ага каршы бирөөнүн фатвасы эч нерсеге татыктуу эмес. Ыйык Куранда мындай деп кезигет: «Ал (Алла) силерди «мусулман» деп атады. (22:78). «Силер» деген сөз бирөөнүн жеке менчиги эмес, бул сөз башка мусулмандар сыяктуу Ахмадий мусулмандарга да таандык. Муфти Ахмадийлерди мусулман деп атайбы же жокпу, Эң Мээримдүү Алла Ахмадийлерди «мусулман» деп атады. «Ан-Нисаа» сүрөөсүндө «силер менен саламдашкандарга бул дүйнө жашоосундагы ырахатты талап кылып: «Сен мусулман эмессиң», - деп айтпагыла». (4:94). Мына Алла тааланын дагы бир мээримдүүлүгү. Мусулмандар Меккеден Мединага көчүп барышканда, Мухаммад Пайгамбар (САВ) мусулмандар санын аныктоо үчүн каттоого буюрду. Ошондо Пайгамбар (САВ) сахаабаларына (Алла таала аларга ыраазы болсун): «Ким мен «мусулманмын» десе, аны мени үчүн «мусулман» деп жаза бергиле», - деп көрсөтмө берди. (Сахих ал-Бухарий мухтасар, 455-бет). «Мусулман» деген сөзгө кандай зор жана жөнөкөй аныктама берди. Дагы бир жерде Мухаммад Пайгамбар (САВ) мындай айтты: «Кимде-ким биздей намаз окуп, биздин кыбылага караса жана биз курмандык кылган нерселерди (алал этти) жесе, (ал) Алланын паанасы алдындагы жана Анын элчисинин паанасы алдындагы мусулман болуп саналат. Анын паанасы алдында туруп Ага кыянаттык кылбагыла!» (Сахих ал-Бухарий мухтасар, 111-бет). Ахмадийлер да Алла тааланын берешендиги менен беш маал намаз окушат, Кыбылага карап окушат жана алал этти жешет. Ошентип, Алла таала жана Анын Элчиси (САВ) Ахмадийлерди «мусулман» деп атады жана аларды өзүнүн паанасына алды бүгүнкү күндөгү муфти-казылардын жалааларынан. Кыскасы, жогорудагы Алла жана Анын Элчисинин фатваларынын алдында Ислам лигасы же муфти-казылардын фатвалары эмнеге татыктуу? Акыркы сөз: «Эми алар Аллах жана Анын аяттарынан кийин кайсыл сөзгө ишенишет?». (45:6). Урматтуу мусулман туугандарым! Алла, Анын аяттары жана Анын Пайгамбары (САВ) бизге жетиштүү болушу керек.
Пикирге жооп

кимден: asian каяктан: Asia
07.03.2012 15:34
Adamdyn, tagyraagy-musulmandyn birinchi ishi Jaratuuchusun, Anyn kitebin, Elchisin ar kanday tuura emes karaloo, burmaloodon alys kyluusu. Ahmadiylerdin Kurandy burmalagan, Paygambarybyz jana bashka paygambarlar tuuraluu burmaloolorun butkul duyno musulmandary bilet, jana El aralyk musulman birikmeleri, deerlik bardyk olkolordun din bashkarmalyktary al toptu musulman emes dep taanygan jana ushunday fatva bergen. Kurany Kerim bir adamdyn buzgunchulugun, koomgo zyianyn korgondo any aytuunu, aga toskool boluunu buyurat. Ozgocho bul diniy maselege tiesheluu bolso. Chubak ajyga Allah jardam bersin.
Пикирге жооп

кимден: Rustam
08.03.2012 09:46
Урматтуу тууганым (asian)! Ыйык Куранда ар бир доор жана ар кайсы заман жөнүндө алдын ала кабарлар арбын. Ушул алдын ала кабарлардын арасында «акырзаман адамдары Ыйык Куранды таштап коюшат жана аны аткарышпайт» деген темадагы алдын ала кабар да бар болчу. Мисалга, «Аль-Фуркан» сүрөөсүндө мындай деп кезигет: Жана Пайгамбар (Мухаммад) айтат: «Эй, Раббим! Албетте, менин коомум Куранды таштап койду». (25:30). Мухаммад Пайгамбардын (САВ) сахаабалары, таабиъииндер (сахаабалар менен жолуккандар) жана табаъ таабиъииндер (таабиъииндер менен жолуккандар) Куранды ташташкан эмес. Албетте, бул алдын ала кабар биздин заманыбызга таандык болчу. Тагыраак айтканда, бир доор келип, мусулман үммөт иш жүзүндө Куранды таштап коёт жана ага амал кылбайт. Хадис китептеринде буга төмөнкүдөй чечме берилди: Азирети Алиден (РА) рабаят этилет: «Адамдардын үстүнө бир доор келип, Исламдын аты гана калат, Курандын жазуусу гана калат, алардын мечиттери кенен жана кооз болот, бирок хидаяттан куру болот жана алардын уламалары асмандын астында бар болгон макулуктардын арасында эң жаман (адам) болот, себеби, алар тарабынан фитна-чагымчылык жаратылат жана өздөрүнө гана кайтат». («Мишкаат» китаабул-илм). Дагы бир хадис ушул теманы чечмелейт. Азирети Абдулла ибн Умар (РА) Пайгамбардан (САВ) мындай дегенин уккан: «Алла таала илим-билимди адамдар(дын көкүрөктөрү)нөн жулуп алып эле көтөрүп кетпейт, тескерисинче «аалым ба амал» (амал кылуучу уламалар) каза тапканы менен илим-билим көртөрүлүп кетет. А түгүл бир да аалым калбай калганда, адамдар (амал кылуучу эмес) наадандарды өзүнө жетекчи кылып алышат. Алардан бир маселе суралганда, алар билбей туруп фатва беришет. Ошентип, алар өздөрү да адашып калат, башкаларды да адаштырып жиберишет». («Бухарий» китаабул-илм, баабу кайфа юкбазул-илма). Эгерде кылдат ой жүгүртүп көрсөк, жогоруда келтирилген Куран аятында жана Пайгамбар (САВ) хадистеринде сиз мисал кылган адамдар, тайпалар, бирикмелер сүрөттөлгөн экен. Ардактуу бир тууганым! Ахмадийлер 50гө жакын кыргызча, орусча жана өзбекче китептерди чыгарган экен, сиз ошол китептерден «бурмаланган» жерлерди көрсөтүп бербейсизби? Эгерде көрсөтпөсөңүз, анда бул ачык жаала жана доомат, эгерде көрсөтсөңүз, анда мендей миңдеген карапайым «адашкандарды» тозоктон сактап калып, чоң соопко татыктуу болуп каласыз.

кимден: Тахир каяктан: Бишкек
06.03.2012 22:10
Мен Чубак ажыга суроо бергим келет: Өздөрүн биз мусулманбыз-деп жарыялап,бир Аллахтан башка Кудай жок,Мухаммад САВ Аллахтын элчиси жана Ислам динин өзүнүн дини -деп эсептеп жашап келе жаткан адамдарды мусулман эмес-деп айтууга кимдин укугу бар.
Таптакыр Ислам дини менен тиешеси жок диндер менен б.а. Аллахка түздөн-түз шырк кылып жаткан диндер менен тил табышып, ал эми өздөрүн мусулманбыз-деп эсептеген Ахмадийлерге каршы күрөш жарыялооңуз аябай шектүү болуп жатат, же болбосо Ахмадийлер адашкан агым болсо Чубак ажы эмне эле мынча коркуп жатат? Кудайга шүгүр ар бир кыргыз жараны өзү окуп-билип,изилдеп чындык кайсыл жерде экенин билип алууга кудурети жетет. Ахмадийлер ошончолук адашкан болсо анда алар кантип: жер жүзүндө 200дөн ашык өлкөдө официалдуу катталып, 200 млн.го жакын мүчөсү жана 20 000ден ашык мечиттерди куруп,Ыйык куран китебин 80ге жакын тилдерге которгон? Алардын эң негизги девизи:"Сүйүү баарына, жек көрүү эч кимге эмес". Ошондой эле алардын МТА(Мусульманская Ахмадийская телевидения- www.mta.tv) 24 caат бою дүйнөнүн эң ири тилдеринде ислам дининин чыныгы таза дин экендигин даңазалап көрсөтөт. Алардын андан башка интернет сайттары дагы бар:www.alislam.org, www.alislam.org/russian/,www.alislam.org/kyrgyz/ .Ар бир акыл-эстүү адам жогорудагы сайттардан чын жана так маалымат алса болот.Көптөгөн чоң мамлекеттердин президент жана депуттатары Ахмадия Жамаатын кабыл алып, Аллахка жана анын элчиси Мухаммад САВга болгон сүйүүнүн негизинде гана ислам дининин таза окуусун дүйнөгө таратып келе жатат-деп таанып билишет.
Кыскасы акылман-даанышман кыргыз элине жалган,ушак маалыматты таратып жаткан Чубак ажыбызды Кудай өзү кечирсин.
Пикирге жооп

кимден: АССА
08.03.2012 04:14
ахмадиилер адашпаганы чын болсо далил келтиргилечи бироонун артынан суйлоо дурус эмес коро албастыгынарды койгулачы мышык майга жетпей сасык дегендей
Пикирге жооп

кимден: Talantbek каяктан: Osh
07.03.2012 15:35
Assalamu aleykum kadirluu momun musulmandar! Men ayabay tan kalam, bizge ech nerse jakpayt eken ozu kim kanday ish kilip atat eken dep ele biri biribizdin kilgan ishteribizdi sindap otura berebiz. chindiginda dinibiz buga jol berbegenin da bilebiz birok tilekke karsh munu ech kaltira albayt okshoybuz. Paygambaribiz (s/a/v) duynodon kaytkandan kiyin Az. Abu Bakrdin halifaligi doorunda murtedder dep atalgan islam dinin kee bir okumdorun atkarbaybiz dep chikkandar jana ozun men paygambarmin dep jariyalap chikkandar bolgon M: Museylamatul Kezzap siyaktuu. Osholorgho karsh Az. Abu BAkr sogushkan jana alardi jok kilgan. Alardin aytkan sozdoru bilimsiz adamdarga jakkan jana alardi paygambar eken dep koshulup ketishken osholorgo karshi az, Abu bakr ayigishkan sogushtardi uyushturgan. Mina osholor siyaktuu ele Mirza Ahmed Gulam Ahmadiylerdin diniy lideri ozu paygambar dep eseptep koz karashtarin jaygan. Ani jashirbay ele koyush kerek. Albette azirki uchurda sogush achkanga ech kanday ukuk jok oshonduktam eldi maalimat arkiluu alarga kirip ketpegile dep gana alarga karshi kurosho alabiz. andan bashka jol jok/, Chubak ajinin din adami katari kooptonuu menen aytkann sozdoru tuura ele. Ani singa albay aga kayra jardamchi bolsok chinigi islam dinin jetkiruugo komoktosh bolobuz

кимден: Аманбай каяктан: Муслим
06.03.2012 12:51
Урматтуу Чубак ажы Жалилов!!
Сиз Кыргызстанда "хизбуттахрирчилер, дааватчылар жана салафи-вахабилер бар. Андан сырткары, такфир жамаат, нуржулар, сулайманчылар деген" сиз алардын ишине толук жооп бере аласызбы? Андан кору Кыргызстандын диний тартибин, жобосун иштеп чыкпайсыздарбы? Ага ылайык аалымдар же окумуштуулар жокпу? Ар кыл Пакистанча, афганча, Арабча кийинип алардын маданияты биздин маданияттын жок болуп кетуусуно коркунуч жаратууда. Эгерде сиз Кыргызстанга ар кыл агымдарды, кыймылдарды, уюмдарды киргизе берсениз болунуу наракта калсын, жарылып кетет. Мунун мисалы Афган, Пакистан корсотуп турбайбы? Сиздер Пакистандык "Таблиги Жамааттын" дааватчыларынын уставынан башка тартип жокпу озунуздор иштеп чыксаныздар болбойбу? Же сиздердин максатыныздар эптеп эле Ислам халифатын же мамлекетин курушпу? Сиз ИДУну да жактайсызбы?
Пикирге жооп

кимден: talanbek каяктан: osh
07.03.2012 15:46
ilgerteden beri ele islam dinin jabinip alip koptogon iplas ishterdi kilip jatkan adamdar bolup kelgen. Alardin kilgan ishterin korup islamdan kabari jok adamdar dindi jek korushup dind da ushunday eken degender kop. Oshentipo oylogondorgo tomondogu misaldi bergim kelet. egerde eki cheberge birdey tustogu jana sapati da birdey kezdeme berip alarga kiyim tikkile desek. BIr kancha ubakittan kiyin alardin tikkenderin salishtirip korup biri nachar tigip koygon bolso. Anda biz kunoonu tiguuchudon izdeybizbi je kezdemedenbi? Albette kunoo tiguuchudo.; Oshonun sinarinday ele islam dinin oshol kezdeme dep alsak al emi ani jayiltuuchular tiguuchulor. bir dindi jayuuchudan korgon katachilik al adamdin jeke ozuno gana tiyesheluu kata dep bilishibiz kerek
Пикирге жооп

кимден: Алайбек каяктан: Бишкек
06.03.2012 23:56
Урматтуу Аманбай!
Сиздин денгээлиниз кийим менен эле чектелээрин озунуз белгилеп жатасыз. Эгер сиздин айткан созунуз боюунча пакистандыктардай кийинуу биздин улутубузга доо кетирип жатса, ага чейин эле кийип баштаган "мини юбка" деген балээге эмнеге конул бурбайбыз????
Качан эле кыргыз кызы кызыл кыйшык шыйрагын коргозуп кйинчи эле???
Эркектеричи???
Аркасына жаба койберип алган жаш баланыкындай болгон шымды качан кыргыз жигити кийчу эле? Дагы бир эркетер бар чытырайган шым менен кыска футболка кийип алышат, шымынан "токмоктогу туугандарынын" баары корунуп турат, ал эмес андан сен айланагылардан уйалып кетесин!
Кыз киши эмес эркетери деле жайкысын киндиги корунгон футболка кийип калды, ушундай бар беле кыргызда?
Качан эле кыргыз жигити жайында колтугунун кара жунун коргозуп кочодо майка кийип басып журчу эле??

Декабрь айынын жыйырмасынан баштап Санто Клаустун шапкесин кийип алып, колунда бир шампан которуп январга чейин жургондорду коросун Бишкектен. Эмне кыргыз ушинтип журчу беле??? Качан эле кыргыз тоолордо кыштын кыраан чилдесинде эсин таппай калганчакты арак ичип анан кыз зордуктап, мушташып жарымы "эмчиге" (больница) жарымы "домчуга" (милиция) тушчу беле???

Айта берсе соз коп калп эле кыргыздын кандай экенин билбей мындай кыргзга каршы, андай салтта жок деп, озунор салта жок нерселерди сунуштай бербесениздер. Кыргыз эли ар дайым эле авратын жаап, кыз эркек дебей чепкен, кимсал, чапан кийип эле мусулман болуп келген.

кимден: Съездбек
06.03.2012 04:32
Урматтуу Чубак Ажы, кечириңиз, бул "атеизм" дегенден кантип кутулса болот. Окмуштуу, интелектуал дааватчылар барбы? Көп "советтик" мусулман адамдар эки жуздуулук кылышып эле журушобу деп ойлойм. "Совет" мээбизге "атеизмди" куюп салган жаш кезде, мээ жумшак мезгилде.
Пикирге жооп

кимден: Bek каяктан: Batken
07.03.2012 06:06
Salamatsyzby Se'zbek baike. Ininiz katary aityp koiuunu kaaladym.Ooba kutulsanyz bolot,anuchun ozunuz araket kylyp izdenuunuzkerekko.Ananda men taanyp bilgen oto bilimduu diniy ishkerlerdin biri, Ilyas Nazarov attu ustazdy surashtyryp taap,any menen kep kenesh kursanyz, sossuz turdo sizde osgoruulor bolotele dep oiloim. Bishkekten jazgan Tahir agam. Kelime keltiruu menen ele toluk yimanduu bolo albaibyzda.Ahmadiyler.yimandyn 6 sharttaryna toluk ishenishet beken degi..!? Egerde ishenishpese anda toluk yimandan chykkan katary esepteleerin bilipkoiunuz.