БИШКЕК. Борбордук шайлоо комиссиясынын 25-январдагы маалыматы боюнча Республика боюнча 469 адам Жогорку Кеңештин депутаттыгына талапкер катары катталууга арыз жолдогон. Алардын 389 каттоодон өткөн. Ал эми № 57 Кемин шайлоо округуна талапкерликке катталган президенттин уулу Айдар Акаев менен парламенттик шайлоодо ат салышууга Акылбек Жуманалиев, Тойчубек Кадыралиев, Мырзабек Касымалиев, Борончу Мамырканов жана Кыргызстан Демократиялык партиясынын лидери Жыпар Жекшеев аталган шайлоо округунан каттоодон өтүштү.
