Кыяс Молдокасымов, Бишкек Кыргызстанда Кыргыз Эл баатыры, заманыбыздын залкар жазуучусу Чыңгыз Айтматовдун туулган күнүнө арналган бир катар иш чаралар өткөрүлдү. Жазуучунун чыгармасын изилдеген окумуштууларга Айтматов атындагы эл аралык сыйлык тапшырылды. Жаңы китептер жарык көрдү. Жазуучунун кичи мекени Таласта жана Бишкекте өткөрүлгөн иш чаралар тууралуу Улуттук Илимдер Академиясынын Манас таануу институнун директору, айтматов таануучу, профессор Абдылдажан Акматалиев “Азаттык” үналгысынын Бишкек студиясына келип маек куруп берди.
