Израил аскерлери Америка Кошмо Штаттары менен кошо өлкөнүн түштүгүндөгү Негев чөлүндө биргелешкен аскерий машыгуу өткөрүүдө. Бүгүн машыгуу учурунда америкалык "Пэтриот" аттуу ракеталык системалар текшерилди. Эгер АКШ Иракка каршы согуш баштаса, Багдад Израилге каршы ракета атышы мүмкүн, ошондуктан, Израилдин ракетадан коргонуу системасын жакшыртуу өзгөчө мааниге ээ. 1991-жылдагы согуш учурунда Ирак Израилге каршы кырктай жолу ракета аткан, бирок ал кезде эле "Пэтриот" системасын колдонгон Израил атылган бир да ракетаны жок кыла албай койгон.
