БИШКЕК. Эртең Алматы шаарында Евразия Экономикалык Шериктештигине кирген мамлекеттердин энергетика боюнча кеңешинин үчүнчү жыйыны болот. Ага Кыргызстандан Энергетика боюнча мамлекеттик агенттиктин директорунун орун басары Акылбек Түмөнбаев катышат. Бул тууралуу бүгүн А.Түмөнбаев өзү билдирди. Анын айтымында, жыйында Шериктештиктин алкагында энергетика тармагындагы мыйзамдарды окшоштуруу, бирдиктүү тариф системасын иштеп чыгуу, отун-энергетика балансын түзүү жана рыногун кеңейтүү маселелери талкууланат.
