Италия да электр чырагысыз калды

Бүгүн жергиликтүү убакыт боюнча таңкы 3 жарымда Италиянын көпчүлүк бөлүктөрүндө электр энергиясы өчүп калды.
Өлкө борбору Римде капылет окуядан улам майрамдык фестиваль үзгүлтүккө учурады.
Италиянын энергия министрлиги Францияны эки линия аркылуу токту бербей койду деп күнөөлөдү. Бирок, Франциянын энергия сатуучу мамлекеттик ишканасынын өкүлү Патрик Ларадет биз тараптан электр энергиясы туруктуу берилип жатты деп билдирди.
Соңку маалымат боюнча, акырындап электр энергиясын берүү Италияда ырааттуу нукка түшүүдө.