Орусиянын Мамлекеттик Думасына депутаттарды шайлоо боюнча добуш берүүгө бүгүн Кыргызстандагы орусиялык жарандар да катышууда. Бишкекте добуш берүү Орусиянын элчилигинде өтүүдө. Түшкө чейин Кыргызстандагы орусиялык шайлоочулардын 25% добуш беришти. Бишкектеги участкалык шайлоо комиссиянын төрагасы Владимир Посохиндин “Азаттыкка” маалымдашынча, Кыргызстандын түндүк аймагында каттоодо турган сегиз миңге чукул шайлоочу бар. Ош шаарында жана Караколдо да шайлоо участкалары ачылган жана бул жердеги маалыматтар шайлоонун соңунда белгилүү болот.
