Ростов-на-Дону шаарында Россия-Европа Биримдиги саммити өтүүдө. Анын жүрүшүндө бирдиктүү валюта – евронун абалы талкууланмакчы. Россия валюта запасынын дээрлик жарымын евро түзөт. Москва болсо европалык шериктерден технология жана инвестицияларды күтөт. Адам укуктары маселеси саммитке көлөккө түшүрүшү ыктымал. Бийик жолугушуу башталган күнү Москва жана Санкт-Петербург шаарларында полиция Кремлге каршы демонстрацияларды таркатуу үчүн күч колдонгон.
