Египеттеги саясый окуяларды чагылдырганы барган “Азаттык” үналгысынын кабарчылары Роберт Тэйт жана Абделилла Нуямини Каир полициясынын камагында отурушат. Эки кабарчы тең британ жарандары. Алар жума күнү Каирге учуп барышкан эле. Тэйт Каир убактысы боюнча түшкү саат бирде “Азаттыкка” тез телефон чалып, азыр камакта экенин билдирди. “Азаттыктын” Каирдеги кабарчасы бешим ченде Нуями менен сүйлөшкөндө, ал шаардын ал-Ашар районунда полицияда экенин айткан.
