Бүгүн коалициялык көпчүлүктөн премьерликке талапкер Өмүрбек Бабановдун өкмөттүн түзүмү боюнча долбоору талкууланды. Анда Бабанов бул долбоор кабыл алынса 7 мамлекеттик орган жана анда иштеген 3 миңден ашык мамлекеттик кызматкер кыскарып, бюджетке 1 миллиард сомду үнөмдөп калса болоорун айтты.
Долбоорго ылайык, өкмөттүн түзүмү 41 мамлекеттик органдан: 14 министрлик, 1 мамлекеттик комитет, 6 мамлекеттик агенттик, 2 мамлекеттик инспекция, 8 мамлекеттик кызмат, 3 мамлекеттик фонд, 1 аттестациялык комиссия, 1 стратегиялык изилдөө институттан түзүлмөкчү. Премьер-министрдин төрт орун басары: Экономикалык блок боюнча биринчи вице-премьер-министр, Реалдуу сектор жана инвестициялар боюнча вице-премьер-министр, Социалдык блок боюнча вице-премьер-министр, Вице-премьер-министр - Өкмөт Аппаратынын жетекчиси болот.
Азырынча өкмөттүн түзүмү боюнча орток пикир табыла элек. Коалициялык көпчүлүк макулдашылган долбоорду ушул шаршембиде парламенттин отурумуна алып чыгышы керек. (EBM)
Долбоорго ылайык, өкмөттүн түзүмү 41 мамлекеттик органдан: 14 министрлик, 1 мамлекеттик комитет, 6 мамлекеттик агенттик, 2 мамлекеттик инспекция, 8 мамлекеттик кызмат, 3 мамлекеттик фонд, 1 аттестациялык комиссия, 1 стратегиялык изилдөө институттан түзүлмөкчү. Премьер-министрдин төрт орун басары: Экономикалык блок боюнча биринчи вице-премьер-министр, Реалдуу сектор жана инвестициялар боюнча вице-премьер-министр, Социалдык блок боюнча вице-премьер-министр, Вице-премьер-министр - Өкмөт Аппаратынын жетекчиси болот.
Азырынча өкмөттүн түзүмү боюнча орток пикир табыла элек. Коалициялык көпчүлүк макулдашылган долбоорду ушул шаршембиде парламенттин отурумуна алып чыгышы керек. (EBM)
