Линктер

logo-print
жекшемби, 04-декабрь, 2016 Бишкек убактысы 02:01

Жалал-Абадда митинг өтүүдө


Ушул тапта Жалал-Абаддагы облустук акимчиликтин алдында нааразылык акциясы өтүп жатат. Кабарчыбыздын айтымында, митингге 300гө жакын адам катышып жатат. Митингчилер Жети-Өгүздөгү нааразылык акциясынын талаптарын колдоорун айтышып, "Центерра Голд" компаниясы менен Кумтөр боюнча келишимди бузууну, былтыр 3-октябрдагы митингден кийин камакка алынган "Ата-Журт" фракциясынан депутаттар Камчыбек Ташиев, Садыр Жапаров жана Талант Мамытовду бошотууну, облустагы жергиликтүү бийлик башчыларын кызматтан кетирүүнү талап кылышууда. Митингге милиция кызматкерлери көз салууда.

Ошол эле учурда Жалал-Абад шаардык мэриясында өкмөттүн облустагы өкүлү Жусубалы Төрөмаматов баш болгон бийлик өкүлдөрү митингчилердин уюштуруучулары менен жолугуп, сүйлөшүүлөрдү өткөрүүдө.

Жалал-Абад шаарында Кумтөргө каршы митинг кечээ башталган. Анда митинчилер облустук акимчиликтин имаратына кирип барып, элдик губернатор деп “Ата Журт” партиясынын өкүлү Медер Үсөновду жарыялашкан. (BkA)

Азаттык Фейсбукта

XS
SM
MD
LG